05.06.2026 | 19:17
Կրեմլի «Մատրյոշկա»-ն կեղծ լուրերի նոր շարք է տարածում Հայաստանի մասին․ The Insider
Հենրիխ Մխիթարյանի մասնակցությունը «Ռոմայի» դեմ խաղին քիչ հավանական է
03.04.2026 | 12:22
Իտալական «Ինտերի» կիսապաշտպան Հենրիխ Մխիթարյանը շարունակում է վերականգնվել ձախ ազդրի մկանային վնասվածքից։
Հայաստանի ազգային հավաքականի նախկին ավագն «Ինտերի» միակ ֆուտբոլիստն է, որը շարունակում է աշխատել անհատական ծրագրով։ Վնասվածքից վերականգնվող մյուս բոլոր ֆուտբոլիստները վերսկսել են մարզումներն ընդհանուր խմբում ու պատրաստ են խաղադաշտ վերադառնալուն, գրում է Fcinter1908.it-ը՝ հղում անելով La Gazzetta dello Sport-ին։
Սպասվում է, որ 37-ամյա Մխիթարյանն ընդհանուր խմբի մարզումներին կվերադառնա այս շաբաթվա վերջin։ Հայ ֆուտբոլիստի մասնակցությունն իր նախկին ակումբ «Ռոմայի» դեմ ապրիլի 5-ին կայանալիք հանդիպմանը քիչ հավանական է։
Ընթացիկ մրցաշրջանում հայ կիսապաշտպանն «Ինտերի» կազմում մասնակցել է 29 հանդիպման, դարձել 2 գոլի ու 3 գոլային փոխանցման հեղինակ։
