10.06.2026 | 23:29
Հունիսի 7-ին կայացած ԱԺ ընտրությունները աննախադեպ էին. «Նոր ուժ»-ի հայտարարությունը
Ռուսական զորքերը Խերսոնում ԱԹՍ-ով հարվածել են միկրոավտոբուսի. վիրավորվել է յոթ մարդ
Քաղաքականություն
03.04.2026 | 12:45
Ռուսական զորքերը սպրիլի 3-ի առավոտյան անօդաչու թռչող սարքով հարվածել են միկրոավտոբուսին Խերսոնի Դնեպրովսկի շրջանում, վիրավորվել է յոթ մարդ։ Այս մասին հայտնել է Խերսոնի մարզային ռազմական վարչակազմի մամուլի ծառայությունը, գրում է Current time-ը։
51-ամյա վարորդը գտնվում է ծանր վիճակում։ Նա ստացել է ուղեղի ցնցում, գլխի փակ վնասվածք, ոտքի և որովայնի վերքեր։
68, 50, 43 և 19 տարեկան կանայք, ինչպես նաև 71 և 63 տարեկան տղամարդիկ հոսպիտալացվել են միջին ծանրության վնասվածքներով։ Նրանք ստացել են գլխի փակ վնասվածքներ, սալջարդներ և բազմակի բեկորային վերքեր։
Ապրիլի 3-ի գիշերը ռուսական զորքերը հարձակվել են Խարկովի վրա, վիրավորելով հինգ մարդու, ըստ Խարկովի մարզային ոստիկանության։ Խարկովի քաղաքապետ Իգոր Տերեխովի խոսքով՝ չորս բալիստիկ հրթիռ է ընկել Կիևսկի շրջանի վրա՝ վնասելով մի քանի բազմահարկ շենք։
Կիևի շրջանում վնասվել է մասնավոր տուն․ 27-ամյա մի կին նորածնի հետ դիմել է բժշկական օգնության սուր սթրեսային ռեակցիայի պատճառով: Ոստիկանության հաղորդագրության համաձայն՝ Խարկովի Օսնովյանսկի շրջանում վնասվել է գրասենյակային շենք:
Չեռնիգովի մարզի Սեմենովկա քաղաքում ռուսական հարձակման հետևանքով հրդեհվել է հինգհարկանի բնակելի շենքի պատշգամբը, իսկ Չեռնիգովի շրջանում՝ կոմունալ ծառայությունների շենքը, հայտնում է Ուկրաինայի պետական արտակարգ իրավիճակների ծառայությունը։
Ռուսական ուժերը նաև չորս ավիառումբ են նետել Սումիի մարզի Շոստկա քաղաքի վրա, որի հետևանքով զոհվել է 59-ամյա մի կին և վիրավորվել նրա հարազատները։
Վնասվել են մասնավոր բնակելի տներ և բազմահարկ շենք։ Մարզի ռազմական վարչակազմի ղեկավար Օլեգ Գրիգորովի խոսքով՝ Ռուսաստանը այսօր առավոտից հարձակվում է Սումիի վրա։ Անօդաչու թռչող սարքերից մեկը հարվածել է քաղաքի կենտրոնում գտնվող առևտրի կենտրոնին, վիրավորել է երկու մարդ։
Թարգմանությունը`Էմմա Չոբանյանի
