02.07.2026 | 18:00
Վճռականորեն ասում եմ` երկաթուղին ՀՀ սեփականությունն է և պետք է ծառայի մեր շահերին. Փաշինյան․ ՏԵՍԱՆՅՈՒԹ
Ուլյանովսկի մարզում ուղևորատար գնացքի յոթ վագոն դուրս է եկել գծերից. կան տուժածներ
Քաղաքականություն
03.04.2026 | 12:03
Մոսկվա-Չելյաբինսկ թիվ 302 ուղևորատար գնացքի յոթ վագոն դուրս է եկել գծերից Ուլյանովսկի մարզի Չերդակլինսկի շրջանում, հաղորդում է «Ռուսական երկաթուղիներ» ընկերության մամուլի ծառայությունը, գրում է Current time-ը։
Նշվում է, որ միջադեպը տեղի է ունեցել Մոսկվայի ժամանակով ժամը 6:26-ին՝ Բրյանդինո կայարանի մոտակայքում։ Mash Telegram ալիքը հաղորդում է, որ գնացքում եղել է 415 մարդ։ 112 ալիքի տվյալներով՝ վիրավորվել է երեք մարդ, այդ թվում՝ մեկ երեխա։
Նախնական տվյալներով՝ 20 մարդ ստացել է կապտուկներ և ևս երկուը` կոտրվածք։Այս մասին հայտնել է Չելյաբինսկի մարզի նահանգապետ Ալեքսեյ Տեքսլերը։
Հաղորդվում է, որ գնացքում Չելյաբինսկի մարզի 157 բնակիչ է եղել, այդ թվում՝ 65 երեխա։
Միջադեպի հետևանքով լուրջ վնասվածքներով մարդիկ չկան։Այս մասին հաղորդում է «Ինտերֆաքսը»՝ հղում անելով Ուլյանովսկի մարզի նահանգապետի մամուլի ծառայությանը։
Դեպքի վայր են ուղարկվել փրկարարական գնացքներ՝ վթարի հետևանքները վերացնելու համար։ Վթարի պատճառը պարզվում է։
Նահանգապետ Ալեքսեյ Ռուսկիխը հայտնել է, որ դեպքի վայր են ուղարկվել նաև շտապօգնության խմբեր։
Թարգմանությունը` Էմմա Չոբանյանի
