24.04.2026 | 00:23
Սպերցյանի գոլն օգնել է «Կրասնոդարին» հաղթել «Սպարտակին»․ ՏԵՍԱՆՅՈՒԹ
ՄԱԿ-ի Անվտանգության խորհուրդը կքննարկի և քվեարկության կդնի Հորմուզի նեղուցի վերաբացման հարցը
Քաղաքականություն
03.04.2026 | 13:46
ՄԱԿ-ի Անվտանգության խորհուրդը պատրաստվում է քննարկել քվեարկության դնել Բահրեյնի կողմից առաջարկված բանաձևը, որով նախատեսվում է պետություններին թույլատրել կիրառել բացառապես պաշտպանական, ոչ թե հարձակողական միջոցներ՝ Հորմուզի նեղուցով նավերի անվտանգ անցումն ապահովելու նպատակով։
Բանաձևը, որն աջակցություն է ստացել Պարսից ծոցի վեց երկրների և Հորդանանի կողմից, ներկայացվում է այն պայմաններում, երբ աշխարհի տարբեր երկրներ արդեն զգում են նավթի հոսքի խափանման հետևանքները։ Նեղուցով սովորաբար իրականացվում է համաշխարհային նավթի մոտ մեկ հինգերորդի փոխադրումը։
Associated Press-ը հաղորդում է, որ բանաձևի վերջնական նախագիծը, որը գործակալությանը հասանելի է դարձել, էականորեն մեղմացվել է նախորդ տարբերակների համեմատ։
Նախորդ նախագծերով նախատեսվում էր պետություններին թույլատրել «կիրառել բոլոր անհրաժեշտ միջոցները»՝ ՄԱԿ-ի ձևակերպում, որը ներառում է նաև հնարավոր ռազմական գործողություններ՝ ապահովելու անցումը և կանխելու միջազգային նավագնացությանը խոչընդոտելու փորձերը։
Մինչդեռ վերջնական տարբերակով պետություններին թույլատրվում է «կիրառել բոլոր անհրաժեշտ պաշտպանական միջոցները, որոնք համաչափ են Հորմուզի նեղուցում և հարակից ջրերում ստեղծված իրավիճակին»՝ ապահովելու անցումը և զսպելու միջազգային նավագնացությանը խոչընդոտելու փորձերը՝ «առնվազն վեց ամսվա ընթացքում»։
15 անդամից բաղկացած Անվտանգության խորհուրդն ունի հինգ մշտական անդամ՝ ԱՄՆ-ն, Մեծ Բրիտանիան, Չինաստանը, Ֆրանսիան և Ռուսաստանը, որոնք բոլորն էլ իրավունք ունեն վետոյի կամ բանաձևի արգելափակման։
Ռուսաստանն ու Չինաստանը կտրականապես դեմ էին արտահայտվել նախորդ նախագծերին, որոնք թույլատրում էին հնարավոր հարձակողական գործողություններ։
Թարգմանությունը` Էմմա Չոբանյանի
