26.10.2026 | 01:04
Մոտ 540 ձայնով պարտվել ենք Ստեփանավանում. ՔՊ-ական․ ՏԵՍԱՆՅՈւԹ
Թրամփի՝ Իրանի վերաբերյալ ուղերձից հետո նավթի գներն աճել են
Քաղաքականություն
02.04.2026 | 15:55
Նավթի գներն այսօր բարձրացել են, իսկ բաժնետոմսերը՝ անկում ապրել, գրում է CNN-ը։ Պտճառը ԱՄՆ նախագահ Դոնալդ Թրամփի հայտարարությունն է, որից պարզ է դառնում՝ Իրանում պատերազմը կարող է շուտ չավարտվել։
Brent նավթի համաշխարհային գինն աճել է 6.6%-ով՝ հասնելով մոտ 108 դոլարի մեկ բարելի համար։ WTI-ը բարձրացել է 6.3%-ով՝ հասնելով գրեթե 106.4 դոլարի մեկ բարելի համար։
Բորսաները անկում են ապրում շաբաթվա սկզբին գրանցած աճից հետո: Հարավային Կորեայի Kospi-ն գլխավորեց Ասիայի անկումը՝ փակվելով 4.5%-ով ցածր: Եվրոպայում հիմնական ինդեքսների ճնշող մեծամասնությունը գտնվում է բացասական միտման մեջ, ԱՄՆ ֆյուչերսները նույնպես ցույց են տալիս ավելի ցածր ցուցանիշ:
Շուկայի տրամադրությունը «մեկ գիշերվա ընթացքում վատթարացավ» Թրամփի ելույթից հետո, որը որևէ պարզաբանում չտվեց «Իրանի դեմ ռազմական գործողությունների դադարեցման հնարավոր ժամանակացույցի կամ պայմանների վերաբերյալ»: Այս մասին գրել են Deutsche Bank-ի վերլուծաբանները: «Չկար որևէ ազդանշան, որ ԱՄՆ-ն ձգտում է անհապաղ դուրս գալ պատերազմից», – հավելել են նրանք:
Թարգմանությունը՝ Էմմա Չոբանյանի
