17.08.2026 | 21:29
Գազանջատումներ՝ Արմավիրի, Արարատի, Գեղարքունիքի և Սյունիքի մարզերում
Հայտնի են պատմության մեջ ամենամեծ եկամուտ ունեցած մարզիկները
02.04.2026 | 13:25
Բասկետբոլի ազգային ասոցիացիայի (NBA) 6-ակի չեմպիոն, Օլիմպիական խաղերի ոսկե մեդալակիր Մայքլ Ջորդանը պատմության մեջ ամենամեծ եկամուտ ունեցած մարզիկն է։
Sportico-ի տվյալների համաձայն՝ ամերիկացի լեգենդար բասկետբոլիստը մինչև օրս վաստակել է 4,5 միլիարդ դոլար։
Երկրորդ տեղում ամերիկացի լեգենդար գոլֆիստ Թայգեր Վուդսն է, իսկ եռյակը եզրափակում է ֆուտբոլի Պորտուգալիայի հավաքականի ավագ, սաուդյան «Ալ Նասրի» 40-ամյա հարձակվող Կրիշտիանու Ռոնալդուն։
«Ոսկե գնդակի» 8-ակի դափնեկիր, աշխարհի չեմպիոն Արգենտինայի հավաքականի ավագ, ամերիկյան «Ինտեր Մայամիի» հարձակվող Լիոնել Մեսին հայտնվել է 5-րդ տեղում։
Ցուցակում ընդգրկվել է 50 մարզիկ, նրանց ընդհանուր եկամուտը կազմել է 56,2 միլիարդ դոլար։
Ամենաշատ գումար վաստակած մարզիկները պատմության մեջ
- Մայքլ Ջորդան (բասկետբոլ) – 4,5 միլիարդ դոլար
- Թայգեր Վուդս (գոլֆ) – 2,88 միլիարդ դոլար
- Կրիշտիանու Ռոնալդու (ֆուտբոլ) – 2,52 միլիարդ դոլար
- Լեբրոն Ջեյմս (բասկետբոլ) – 2,03 միլիարդ դոլար
- Լիոնել Մեսի (ֆուտբոլ) – 1,99 միլիարդ դոլար
- Առնոլդ Փալմեր (գոլֆ) – 1,85 միլիարդ դոլար
- Ջեք Նիքլաուս (գոլֆ) – 1,83 միլիարդ դոլար
- Դևիդ Բեքհեմ (ֆուտբոլ) – 1,68 միլիարդ դոլար
- Ռոջեր Ֆեդերեր (թենիս) – 1,67 միլիարդ դոլար
- Ֆլոյդ Մեյվեզեր կրտսեր (բռնցքամարտ) – 1,57 միլիարդ դոլար
