16.07.2026 | 23:29
Հետաքննությունը պարզել է, որ Ալիևի թոռներն անօրինական կերպով օգտագործում են պաշտոնական լիմուզիններն և անվտանգության մեքենաները
«Չենք կարողանում բացատրել մեր ժողովրդին՝ ինչու ՀԱՊԿ-ը չարձագանքեց». Փաշինյանն արձագանքել է Պուտինին ՏԵՍԱՆՅՈՒԹ
Քաղաքականություն
01.04.2026 | 19:20
ՀՀ վարչապետ Նիկոլ Փաշինյանը Ռուսաստանի նախագահ Վլադիմիր Պուտինի հետ հանդիպման ժամանակ անդրադարձել է Հայաստան-Ադրբեջան հարաբերությունների կարգավորման գործընթացին, Ղարաբաղյան շարժումը չշարունակելու քաղաքականությանը և հակադարձել ՀԱՊԿ-ի թեմայով Վլադիմիր Պուտինի պնդումներին։
«Ես հանրային հայտարարել եմ Հայաստանում, որ մենք չպետք է շարունակենք Ղարաբաղյան շարժումը։
Հայաստանի և Ադրբեջանի միջև արդեն իսկ խաղաղություն է հաստատվել։ Հայաստանը և Ադրբեջանը ճանաչել են միմյանց տարածքային ամբողջականությունը, քաղաքական անկախությունը և ինքնիշխանությունը՝ հիմնվելով 1991 թվականի Ալմա-Աթայի հռչակագրի վրա, ինչը նշանակում է, որ մենք փոխադարձաբար ճանաչել ենք, որ անկախ Հայաստանը 100%-ով նույնական է Խորհրդային Հայաստանին, իսկ անկախ
Ադրբեջանը 100%-ով նույնական է Խորհրդային Ադրբեջանին։ Ես կարծում եմ, որ սա բավականին ամուր հիմք է հետագա խաղաղության համար։ Ես, իհարկե, ուզում եմ ևս մեկ անգամ շնորհակալություն հայտնել ձեզ այն աջակցության համար, որը միշտ զգացել եմ Հայաստանի և Ադրբեջանի միջև խաղաղություն հաստատելու գործընթացում»։
Նա արձագանքել է Ղարաբաղն Ադրբեջանի մաս ճանաչելու մասին Պուտինի արած հայտարարությանը։ «Մենք ճանաչել ենք Ղարաբաղը Ադրբեջանի կազմում, բայց դա արել ենք այն բանից հետո, երբ ՌԴ բարձրագույն ղեկավարությունը երկու անգամ հրապարային այդ մասին ասել է»,- նշել է Հայաստանի վարչապետը։
Ըստ Փաշինյանի՝ ՀԱՊԿ-ի մասով խնդիրները ևս ՀՀ-ն չի թաքցրել։ «Եվ մենք երբեք չենք թաքցրել նաև մեր խնդիրները ՀԱՊԿ-ի հետ, քանի որ 2022 թվականին մենք ունեինք կոնկրետ իրավիճակ, և ՀԱՊԿ մեխանիզմները պետք է աշխատեին, բայց դրանք չաշխատեցին։ Եվ սա, իհարկե, հանգեցրեց… հանգեցրեց այն իրավիճակին, որն ունենք ՀԱՊԿ-ի հետ մեր հարաբերություններում», – հայտարարել է Փաշինյանը։
Նա նշել է, որ Հայաստանը հիմա չի մասնակցում ՀԱՊԿ-ի աշխատանքներին։
«Մենք մինչև չենք կարող բացատրել մեր ժողովրդին, քաղաքացիներին, ինչու ՀԱՊԿ-ը չարձագանքեց՝ չնայած պարտավորություններին», – ասել է Նիկոլ Փաշինյանը։
Թարգմանությունը`Էմմա Չոբանյանի
