03.11.2026 | 23:29
Թրամփը հայտարարել է, որ ԱՄՆ-ը կդադարեցնի Իսրայելին տարեկան 4 միլիարդ դոլարի օգնության տրամադրումը
Լիզինգ․ ավելի քան 70 ընկերություն՝ մեկ հարթակում․ ապրիլի 10-ին կմեկնարկի LEASING EXPO 2026-ը. ՏԵՍԱՆՅՈՒԹ
Տեսանյութեր
01.04.2026 | 19:40
Վճարովի բովանդակություն
Ընդամենը մի քանի օրից՝ ապրիլի 10-ին, 11-ին և 12-ին, Մերիդիան էքսպո կենտրոնում կանցկացվի տեխնիկայի և սարքավորումների մասնագիտացված ցուցահանդեսը՝ LEASING EXPO 2026-ը։ Արդեն չորրորդ տարին անընդմեջ կազմակերպվող ցուցահանդեսը տարեցտարի ընդլայնում է թե՛ մասնակիցների, թե՛ ներկայացվող ոլորտների շրջանակը։
«Ամեն տարի ավելի մեծ թվով մատակարարներ, տրանսպորտային միջոցներ ներկայացնող ընկերություններ և ֆինանսաբանկային կառույցներ են միանում ցուցահանդեսին։ Բացի այդ, վերջին չորս տարիների ընթացքում լիզինգի հանդեպ ընկալումները, հանրային մոտեցումներն ու նաև գործիքի կիրառելիությունը ավելի է մոտեցել հասարակության ավելի լայն շերտերին»,- նշում է ցուցահանդեսի կազմակերպիչ Big Projects ընկերության համահիմնադիր, մարքեթինգի և հասարակայնության հետ կապերի պատասխանատու Դիանա Հարոյանը։
Մասշտաբային ցուցահանդեսին այս տարի ներկայացված է լինելու ավելի քան 50 կազմակերպություն՝ շինարարական, գյուղատնտեսական, արտադրական, գինեգործական, ինչպես նաև սառնարանային տնտեսության ոլորտներից։ Վերջին երկու բնագավառներն առաջին անգամ են ընդգրկվել ցուցահանդեսում։
Էքսպոյին մասնակից լիզինգի մատակարարների քանակն այս տարի աճել է շուրջ 17%-ով։ Լիզինգատուների ասոցիացիայի նախագահ Արսեն Բազիկյանի խոսքով՝ Հայաստանում այս պահին գործում է լիզինգային 18 ֆինանսական կառույց, որոնցից 14-ը Լիզինգատուների ասոցիացիայի անդամ են։ Բացի այս, աճել է նաև ցուցահանդեսի նկատմամբ միջազգային հետաքրքրությունը․ LEASING EXPO-ին կմասնակցեն հյուրեր Ղազախստանից, Ուզբեկստանից և Ռուսաստանից։
Ոլորտի ներկայացուցիչների խոսքով՝ պետական աջակցության ծրագրերը հնարավորություն են տալիս բիզնեսին օգտվել 0-ից մինչև 4% ֆինանսավորումից ոչ միայն Երևանում, այլև մարզերում։ Լիզինգային պորտֆելն աճել է շուրջ 30%-ով, գործարքների քանակը՝ 47%-ով։
«Պետությունն իր վրա է վերցրել ֆինանսական բեռի գրեթե չորս հինգերորդը լիզինգային ցանկացած գործարքի իրականացման ընթացքում»,- նշում է Լիզինգատուների ասոցիացիայի նախագահ Արսեն Բազիկյանը։
Սրանից էլ բխում է էքսպոյի այս տարվա կարգախոսը՝ «0-ից 4% ֆինանսավորում ստանալը հեշտ է»։ Այս տարի մարզերից գրանցված այցելուների թիվը 27 տոկոս է` նախորդ տարվա 21 տոկոսի փոխարեն։
Ցուցահանդեսին կներկայացվի տրանսպորտային միջոցների ավելի քան 70 բրենդ, ներառյալ՝ էլեկտրամոբիլներ, բեռնատար և մարդատար մեքենաներ։ Միացել է նաև նոր գլխավոր հովանավոր՝ Rox Motor ընկերությունը, որը կներկայացնի Rox 01 և Rox Adamas մոդելները։
«Leasing EXPO-ում ունենալու ենք առանձին տաղավար, որտեղ ներկայացվելու են մի շարք մոդելներ՝ սկսած փոքր Bingo մոդելից մինչև մարդատար բեռնատար մոդելներ, որոնք նախատեսված են թե՛ բիզնեսի և թե՛ ընտանեկան օգտագործման համար: Լինելու են լիզինգային և վարկային հատուկ առաջարկներ միայն այդ երեք օրերի համար նախատեսված»,- ընդգծում է Rox Armenia ընկերության տնօրեն Գրիգոր Հարոյանը։
Կազմակերպիչների խոսքով՝ ցուցահանդեսը ոչ միայն գործարքների հարթակ է, այլև բիզնես գաղափարների ձևավորման միջավայր։ Այն B2B ձևաչափ ունի և հիմնականում ուղղված է գործարար համայնքին, սակայն բաց է բոլոր հետաքրքրվողների համար։ Էքսպոյին մասնակից բոլոր ընկերությունները ներկայացնելու են բացառապես հատուկ լիզինգային առաջարկներ, որոնք գործելու են միայն ցուցահանդեսի երեք օրերին՝ ընդգծում է Big Projects ընկերության համահիմնադիր Դիանա Հարոյանը։
Սա կազմակերպիչ Big Projects ընկերության հոբելյանական՝ 20-րդ ցուցահանդեսն է։ Մուտքն անվճար է, բայց գրանցումը՝ պարտադիր։ Ցուցահանդեսի համակազմակերպիչը Լիզինգատուների ասոցիացիան է, գլխավոր հովանավորներն են Rox Armenia-ն և Premium Machinery Armenia-ն։ Հովանավորներն են JMC Armenia-ն և Armenian Leasing Company-ն, հիմնական գործընկերը Acba Leasing-ն է։
Մանրամասները՝ տեսանյութում։
Արփի Հակոբյան
