19.12.2025 | 14:52
7,5 միլիոն դրամ եմ կորցրել, քննչականում ասացին` գլուխդ ո՞ւր էր այդ ժամանակ. տուժած. Տեսանյութ
Հրապարակվել է Պաշտպանի արտահերթ անգլերեն զեկույցը Տավուշի սահմանամերձ գյուղերի գնդակոծությունների վերաբերյալ
Հասարակություն
16.11.2018 | 15:03
Այսօր հրապարակվել է Մարդու իրավունքների պաշտպան Արման Թաթոյանի արտահերթ անգլերեն զեկույցը Տավուշի մարզի Կոթի, Բաղանիս, Վազաշեն, Չինարի, Ոսկեվան և Այգեհովիտ գյուղերի գնդակոծությունների առնչությամբ կատարված փաստահավաք աշխատանքների վերաբերյալ։
Դիտարկման արդյունքները տեղայնացվել են ընդհանուր հասանելիություն ունեցող քարտեզի վրա:
Տեսանյութում GoogleEarth ծրագրի օգտագործմամբ ինտերակտիվ եղանակով իրականացվել են համապատասխան նշագրումներ, որոնք ցույց են տալիս սեպտեմբեր ամսին գնդակոծության ենթարկված մանկապարտեզներն ու դպրոցները, քաղաքացիական տներն ու շենք-շինությունները, ինչպես նաև Վազաշեն գյուղում երեխաների պարի ժամանակ տեղի ունեցած կրակոցները:
Բացառապես իրավապաշտպան աշխատանք իրականացնելու և առաջնային աղբյուրից հավաստի տվյալներ ձեռք բերելու նպատակով՝ փաստահավաք խումբն արձանագրել է վնասվածքների բազմաթիվ հետքեր: Փաստահավաք աշխատանքները վկայում են, որ կրակոցներն արվում են գյուղի խաղաղ բնակիչների, այդ թվում՝ երեխաների կյանքի և առողջության համար վտանգավոր եղանակով:
Անգլերեն պատրաստված զեկույցը կուղարկվի ինչպես միջազգային կառույցներին, այնպես էլ Հայաստանի իրավասու պետական մարմիններին ու հասարակական իրավապաշտպան կառույցներին:
Դիտարկման արդյունքները տեսանյութով՝ այստեղ.
https://www.youtube.com/watch?v=yMzYmf8GmvM&t=495s
Պաշտպանի արտահերթ անգլերեն զեկույցը՝
