27.10.2026 | 23:30
Հայաստանի, Ադրբեջանի և Վրաստանի դեսպանները քննարկել են Հարավային Կովկասի խաղաղության և կայունության ամրապնդման հարցերը
G7-ի դաշնակիցներն այս շաբաթ Ֆրանսիայում կայանալիք հանդիպումներում կքննարկեն Իրանի հարցը
Քաղաքականություն
26.03.2026 | 16:20
G7-ի երկրների արտաքին գործերի նախարարներն այս շաբաթ հանդիպում են Ֆրանսիայում՝ Իրանի և Ուկրաինայի պատերազմների, տնտեսական անորոշության և ԱՄՆ-ի ավելի ու ավելի անկանխատեսելի արտաքին քաղաքականության շուրջ աճող անհանգստության ֆոնին, գրում է France 24-ը։
Փարիզի մերձակայքում գտնվող Վո-դը-Սերնեի աբբայությունում հավաքվելու են յոթ առաջատար երկրների արտաքին գործերի նախարարները։
ԱՄՆ պետքարտուղար Մարկո Ռուբիոն, որն Իրանի դեմ պատերազմի սկսվելուց ի վեր առաջին արտասահմանյան ուղևորությունն է կատարում, կմիանա Կանադայի, Գերմանիայի, Իտալիայի, Ֆրանսիայի, Ճապոնիայի և Միացյալ Թագավորության բարձրաստիճան դիվանագետներին, բայց միայն երկրորդ օրը։ Վաշինգտոնի գործընկերների համար գերակա խնդիր կլինի ԱՄՆ պետքարտուղարի հետ հանդիպումը։
Պաշտոնյաները նշել են, որ դաշնակիցները հույս ունեն ավելի մեծ պարզություն ստանալ Իրանի դեմ ԱՄՆ-ի և Իսրայելի ռազմական գործողությունների և այն մասին՝ արդյո՞ք գոյություն ունի որևէ նշանակալի դիվանագիտական միջոց հակամարտությունը դադարեցնելու համար։
Բանակցությունները կկենտրոնանան նաև Հորմուզի նեղուցի վրա, որը Իրանը փաստացի փակել է՝ կտրելով համաշխարհային նավթի մատակարարումների մոտ մեկ հինգերորդը։
Թարգմանությունը՝ Էմմա Չոբանյանի
