02.07.2026 | 17:15
Ղրղզստանը հարևան երկրներից վառելիք է խնդրում․ երկիրը բենզինի 90%-ը ստանում է Ռուսաստանից
ԱՄՆ-ը հայտարարում է, որ «մեծ մասամբ առաջ է գնում կամ ըստ պլանի է ընթանում»
Քաղաքականություն
23.03.2026 | 15:21
ԱՄՆ-ի կողմից Իրանի դեմ արշավը «մեծ մասամբ առաջ է գնում կամ ըստ պլանի է ընթանում»։ Այս մասին ասել է ԱՄՆ զինված ուժերի Կենտրոնական հրամանատարության ղեկավար Բրեդ Քուփերը Iran International հեռուստաալիքին տված հարցազրույցում, գրում է DW-ն։
ԱՄՆ ռազմածովային ուժերի ծովակալի հարցազրույցը հեռարձակվել է երկուշաբթի առավոտյան՝ հենց այն ժամանակ, երբ Իսրայելը, այսպես կոչված, «լայնածավալ հարվածների ալիք է սկսել՝ ուղղված իրանական ահաբեկչական ռեժիմի ենթակառուցվածքներին»։
Նույն հարցազրույցում նա պնդել է, որ Իրանը հրթիռներ և անօդաչու թռչող սարքեր է արձակում բնակեցված տարածքներից՝ ենթադրելով, որ այդ տարածքները կդառնան թիրախ։
«Դուք պետք է առայժմ մնաք ներսում։ Ինչպես նշել է նախագահը, որոշ պահի կլինի հստակ ազդանշան, որ դուք կարողանաք դուրս գալ»,- ասել է Քուփերը Իրանի քաղաքացիներին։
Ինչ վերաբերում է Իրանի գործողությունների վերաբերյալ գնահատականին, Քուփերն ասել է. «Նրանք գործում են հուսահատության նշանով»։
Նա պնդում է, որ Իսլամական Հանրապետությունը մեծ թվով անօդաչու թռչող սարքերի և հրթիռների միաժամանակ տեղակայումից անցել է «մեկ կամ երկու միաժամանակյա» տեղակայման, և ռազմական թիրախները փոխարինել է քաղաքացիական թիրախներով։
Թարգմանությունը՝ Էմմա Չոբանյանի
