09.06.2026 | 23:19
Կանանց Հայաստանի հավաքականը 0:6 հաշվով պարտվեց Բելառուսին. ՏԵՍԱՆՅՈՒԹ
2025-ն առաջին տարին է, որ նկատվել է ՀՀ քաղաքացիների ներգաղթ․ ՆԳ նախարար․ ՏԵՍԱՆՅՈՒԹ
Քաղաքականություն
20.03.2026 | 12:13
«Անկախությունից ի վեր, 2025 թվականը առաջին տարին է, երբ մենք ՀՀ քաղաքացիների միգրացիոն դրական սալդո ունենք»,- այս մասին ԱԺ պաշտպանության և անվտանգության հարցերի մշտական հանձնաժողովի նիստի ժամանակ հայտարարել է ՆԳ նախարար Արփինե Սարգսյանը՝ ներկայացնելով Կառավարության ծրագրի կատարման 2025 թվականի զեկույցը։
«Սա նշանակում է, որ հաստատված խաղաղության բազմաթիվ ոլորտային բարեփոխումների արդյունքում առաջին անգամ արձանագրվում է ՀՀ քաղաքացիների ներգաղթ, և այս միտումները մենք պետք է խնամքով պահպանենք և ավելի արդյունավետ դարձնենք։
Բացի այդ, Հայաստանն այս պահի դրությամբ միակ պետությունն է, ում հետ ԵՄ-ն ակտիվ երկխոսություն է վարում վիզաների ազատականացման թեմայով և միակ պետությունն ենք, որը երկխոսության մեկնարկից ի վեր ռեկորդային արագ ժամանակահատվածում ստացել է գործողությունների ծրագիրը»,-նշեց նախարարը։
Սարգսյանի խոսքով՝ Հայաստանը վերջապես ներդնում է ԵՄ նոր ստանդարտին համապատասխան կենսաչափական համակարգը, համակարգում հանրային ծառայությունների ոլորտում աննախադեպ ծավալի թվայնացման աշխատանքներ են իրականացվում։
Մանրամասները՝ տեսանյութում։
