12.03.2026 | 18:20
Իսրայելական բանակին հրամայվել է պատրաստվել Լիբանանում գործողությունների «ընդլայնմանը»
Դա իր ոճն է, ակտիվանալու ժամանակն էր․ Աբգարյանը՝ Մարությանի մասին․ ՏԵՍԱՆՅՈՒԹ
Քաղաքականություն
12.03.2026 | 14:45
Երևանի ավագանու «Ազգային առաջընթաց» խմբակցության անդամ Իզաբելլա Աբգարյանը չի պատրաստվում մասնակցել առաջիկա խորհրդարանական ընտրություններին և մտադիր է շարունակել աշխատանքը Երևանի ավագանիում։ Այս մասին նա ասաց լրագրողների հետ զրույցում։
Միևնույն ժամանակ, Աբգարյանը նշեց, որ աջակցում է Հայկ Մարությանին, որը պատրաստվում է մասնակցել խորհրդարանական ընտրություններին։
Աբգարյանը անդրադարձավ նաև վերջին օրերին Հայկ Մարությանի քաղաքական ակտիվությանը՝ նշելով, որ բնական է, երբ նա ներկայացումներից անցում է կատարել քաղաքականությանը։
«Նա հայտարարել էր, որ մասնակցելու է ընտրություններին և բնական է, արդեն ակտիվանալու ժամանակն էր»,- ասաց Աբգարյանը։
Ավագանու ընդդիմադիր անդամը վստահեցրեց, որ տեղեկություն չունի՝ Մարությանը ընտրություններին կմասնակցի միայնակ, թե այլ քաղաքական ուժերի հետ դաշինքով։
Մանրամասները՝ տեսանյութում։
Արփի Հակոբյան
