02.07.2026 | 22:37
Վթարային ջրանջատում` Արարատի մարզում
Ալիևը շնորհավորել է Իրանի նորընտիր գերագույն առաջնորդին
Քաղաքականություն
09.03.2026 | 18:38
Ադրբեջանի նախագահ Իլհամ Ալիևը շնորհավորական նամակ է հղել Իրանի նոր գերագույն հոգևոր առաջնորդ Մոջթաբա Խամենեիին։ Ադրբեջանի նախագահի աշխատակազմի մամուլի ծառայության հաղորդմամբ՝ նամակում Ադրբեջանի ղեկավարը կրկին ցավակցություն է հայտնել Մոջթաբա Հոսեյն Խամենեիի հոր՝ Ալի Խամենեիի մահվան կապակցությամբ։
«Ադրբեջանի և Իրանի հարաբերությունները պատմականորեն հիմնված են եղել մեր ժողովուրդների կամքի վրա, որոնք ապրել են բարիդրացիական և բարեկամական պայմաններում։ Հուսով եմ, որ մենք համատեղ ջանքեր կգործադրենք փոխադարձ հարգանքի և վստահության վրա հիմնված միջպետական կապերի զարգացման համար՝ մեր ժողովուրդների շահերին համապատասխան։ Մեկ անգամ ևս շնորհավորում եմ Ձեզ այս բարձր նշանակման կապակցությամբ և մաղթում եմ Իրանի բարեկամ և եղբայրական ժողովրդին խաղաղություն և բարգավաճում»,- ասվում է Ադրբեջանի նախագահի շնորհավորանքում։
Հիշեցնենք, որ ՀՀ վարչապետ Նիկոլ Փաշինյանը ևս շնորհավորական ուղերձ է հղել Մոջթաբա Խամենեիին՝ Իրանի գերագույն առաջնորդի պաշտոնում ընտրվելու առիթով:
Թարգմանությունը՝ Էմմա Չոբանյանի
