28.06.2026 | 03:11
ԱԱ-2026. Անգլիան ու Խորվաթիան հաղթեցին և կխաղան փլեյ-օֆֆում. ՏԵՍԱՆՅՈՒԹ
Դոնալդ Թրամփն ընդունել է Մեսիին ու «Ինտեր Մայամիին», պատմել Իրանի հետ կոնֆլիկտում հաջողությունների մասին
06.03.2026 | 13:24
ԱՄՆ նախագահ Դոնալդ Թրամփը Սպիտակ տանն ընդունել է MLS-ի չեմպիոն «Ինտեր Մայամիի» ֆուտբոլիստներին և մարզիչներին, գրում է ESPN-ը։
Աշխարհի չեմպիոն Արգենտինայի հավաքականի ավագ, «Ինտեր Մայամիի» 38-ամյա հարձակվող Լիոնել Մեսին առաջին անգամ է հանդիպել Դոնալդ Թրամփի հետ։
Դոնալդ Թրամփը հանդիպումը սկսել է Իրանի հետ կոնֆլիկտում ԱՄՆ-ի հաջողությունների մասին պատմելով։
«Միացյալ Նահանգների զինված ուժերը, մեր հիանալի իսրայելցի գործընկերների հետ միասին, շարունակում են լիովին ոչնչացնել թշնամուն՝ աննախադեպ մակարդակով։ Մենք ոչնչացնում ենք իրանական հրթիռները»,- ասել է Դոնալդ Թրամփը։
ԱՄՆ նախագահը նաև նշել է, որ իր որդի Բարոնը Լիոնել Մեսիի մեծ երկրպագու է։ «Բարսելոնայի» ու ՊՍԺ-ի նախկին հարձակվողը 2023 թվականից է հանդես գալիս «Ինտեր Մայամիում», որի կազմում անցկացրած 90 խաղում խփել է 79 գոլ ու կատարել 44 գոլային փոխանցում։
