Հայաստանի ազգային հավաքականի պաշտպան Նաիր Թիկնիզյանը պաշտոնական խաղերում առաջին գոլն է խփել Սերբիայի չեմպիոն «Ցրվենա Զվեզդայի» կազմում։
Սերբիայի գավաթի խաղարկության քառորդ եզրափակիչում Բելգրադի թիմը 2։0 հաշվով հաղթել է «Նովի Պազարին» ու դուրս եկել կիսաեզրափակիչ։
Նաիր Թիկնիզյանը 37-րդ րոպեին տպավորիչ հարվածով բացել է հանդիպման հաշիվը։ Գոլից հետո 26-ամյա ֆուտբոլիստը նաև ստացել է դեղին քարտ։ Թիկնիզյանը մեկնարկային կազմում խաղացել է 76 րոպե։
Նաիր Թիկնիզյանն 2025թ․ ամռանն է Մոսկվայի «Լոկոմոտիվից» տեղափոխվել «Ցրվենա Զվեզդա», որի հետ պայմանագրի ժամկետը նախատեսված է մինչև 2028թ․ ամառ։ Transfermarkt-ը 4,5 միլիոն եվրո է գնահատում հայ պաշտպանի տրանսֆերային արժեքը։
