18.08.2026 | 12:57
«Յաբլոկո»-ն պարտվեց․ ՌԴ ԿԸՀ-ն կուսակցությանը հանել է Դումայի ընտրությունների քվեաթերթիկից
Արման Ծառուկյանի և Ջորջիո Պուլասի ռևանշ մենամարտը չեղարկվել է
04.03.2026 | 15:13
UFC-ի թեթև քաշային կարգի դասակարգման երկրորդ համար Արման Ծառուկյանի և ամերիկացի ըմբիշ ու բլոգեր Ջորջիո Պուլասի ռևանշ մենամարտը չեղարկվել է։ Այդ մասին հայտարարել է RAF (Real American Wrestling) լիգայի ղեկավար Չադ Բրոնշտեյնը։
Ծառուկյանը և Պուլասը գրեփլինգի կանոններով 10 րոպե տևողությամբ մենամարտ պետք է անցկացնեին մարտի 11-ին Ռիո դե Ժանեյրոյում կայանալիք HYPE FC Brazil մրցաշարում։
«RAF 06 մրցաշարը երկրպագուներին պարգևեց այս տարվա ամենավառ պահերը: Այժմ բոլորը ցանկանում են ռևանշ, բայց որոշ իրադարձություններ պետք է տեղի ունենան այնտեղ, որտեղից սկսվել են։ Եվ այդ տեղը RAF-ն»,- Բրոնշտեյնի խոսքը մեջբերում է RAF լիգայի մամուլի ծառայությունը:
Հիշեցնենք, որ Արման Ծառուկյանը և Ջորջիո Պուլասն օրեր առաջ ազատ ոճի ըմբշամարտի մենամարտ էին անցկացրել RAF լիգայում։ Հայ մարտիկը հաղթել էր 5։3 հաշվով, իսկ մենամարտի եզրափակիչ ազդանշանից անմիջապես հետո հարվածել էր հատակին հայտնված մրցակցին, ինչից հետո սկսվել էր զանգվածային բախում։
HYPE FC-ն դեռ չի հայտնել, թե ով է Ջորջիո Պուլասին փոխարինելու Արման Ծառուկյանի դեմ մենամարտում։
