02.03.2026 | 14:33
Էդուարդ Սպերցյանն արձագանքել է «Կրասնոդարից» հեռանալու մասին լուրերին
Ատոմակայան, թե՞ արևային կայան․ Փաշինյանը համեմատում է անհամեմատելին
Տնտեսություն
02.03.2026 | 11:42
Լեհաստանում փորձագետների հետ հանդիպմանը վարչապետ Նիկոլ Փաշինյանը որպես ատոմային էներգիայի այլընտրանք է ներկայացրել արևային կայանների կարողությունները։ Սրանք, սակայն, անհամադրելի մեծություններ են։
«Վերջին տարիների ընթացքում կարողացել ենք արևային էներգետիկայի ոլորտում ատոմակայանի կարողությունը կրկնակի գերազանցող կարողություն հաստատել։ Եվ մենք հիմա մեծ ատոմակայանի կարիք չունենք՝ հաշվի առնելով հենց նոր նշածս գործընթացները», – ասել է Փաշինյանը։
Սակայն, այս երկու մեծությունները համադրելի չեն նրանով, որ արևային էներգետիկան կախված է արևի առկայությունից․ գիշերն ու ամպամած օրերին արևային կայանները չեն կարող էլեկտրաէներգիա արտադրել։ Իսկ Մեծամորի ատոմակայանը նման խնդիր չունի և այն մշտապես աշխատում է առավելագույնին մոտ ծանրաբեռնվածությամբ։
Այս կետը մտքում ունենալով՝ կարելի է համեմատել առաքված էլեկտրաէներգիայի քանակները։ Այս դեպքում դիտարկել ենք մեկ տարվա ընթացքում արևային և ատոմային կայանների ստեղծած էլեկտրաէներգիայի քանակները։ ՀԾԿՀ կայքում այս պահին առկա են մինչև 2025 թվականի երրորդ եռամսյակը ներառող տվյալները։
Ստացվում է, որ Մեծամորի ատոմակայանի արտադրած էլեկտրաէներգիան ավելի քան մեկ ու կես անգամ գերազանցում է արևային բոլոր կայանների արտադրանքի ծավալին։ Ավելին, ատոմակայանի արտադրած էլեկտրաէներգիան հասանելի է շուրջօրյա, ի տարբերություն արևայինների։
Արդյունքում, Փաշինյանի ակնարկը, թե արևայինների առկայությունը փոխարինում է ատոմային էներգետիկայի մեծ ծավալի անհրաժեշտությունը, սխալ է։
Գարիկ Հարությունյան
