25.04.2026 | 13:54
Վաշինգտոնում, Չարլզ III թագավորի այցից առաջ, սխալմամբ Բրիտանական դրոշի փոխարեն կախել են Ավստրալիայի դրոշը
Պարսից ծոցի մի խումբ երկրներ Իրանին զգուշացրել են՝ հակահարվածի իրավունք են վերապահում իրենց
Քաղաքականություն
02.03.2026 | 12:50
Կատարի, Սաուդյան Արաբիայի, ԱՄԷ-ի, Քուվեյթի, Օմանի և Բահրեյնի արտաքին գործերի նախարարները կիրակի Պարսից ծոցի համագործակցության խորհրդի առցանց նիստ են անցկացրել։ Ընդունված համատեղ հայտարարության մեջ նշվում է, որ այս երկրները պահպանում են Իրանի հարձակումներին արձագանքելու իրավունքը, գրում է BBC-ի ռուսական ծառայությունը։
«Պարսից ծոցի երկրները կձեռնարկեն բոլոր անհրաժեշտ միջոցները՝ իրենց անվտանգությունն ու կայունությունը, ինչպես նաև իրենց տարածքներն ու քաղաքացիներին պաշտպանելու համար, ներառյալ՝ ագրեսիային արձագանքելու կարողությունը», – ասվում է հանդիպումից հետո տարածված հայտարարության մեջ։
Արտաքին գործերի նախարարները նշում են, որ իրենց երկրները պահպանում են «իրենց օրինական իրավունքը՝ հակահարված տալու և ինքնապաշտպանության»՝ համաձայն միջազգային իրավունքի։ Նրանք նաև կոչ են արել Իրանին «անհապաղ դադարեցնել հարձակումները»՝ նշելով, որ Պարսից ծոցի տարածաշրջանում կայունությունը ոչ միայն «տարածաշրջանային հարց է, այլև համաշխարհային տնտեսական կայունության հիմնարար հիմք»։
Թարգմանությունը՝ Էմմա Չոբանյանի
