02.07.2026 | 16:05
Կալանավորը հացադուլի 51-րդ օրը դադարեցրել է այն․ նրա խափանման միջոց կալանքը փոխվել է
Պուտինն արդեն սկսել է Երրորդ համաշխարհային պատերազմը. Զելենսկի
Քաղաքականություն
23.02.2026 | 14:10
Ուկրաինայի նախագահ Վլադիմիր Զելենսկին հայտարարել է, որ Ռուսաստանի նախագահ Վլադիմիր Պուտինն արդեն սկսել է Երրորդ համաշխարհային պատերազմը, գրում է Meduza-ն։
«Հարցն այն է, թե որքան նա կարող է գրավել այս կամ այն տարածքները։ Եվ հարցն այն է, թե ինչպես կանգնեցնել նրան», – ասել է Զելենսկին BBC-ի լրագրող Ջերեմի Բոուենի հետ հարցազրույցում՝ հավելելով, որ «Ռուսաստանը ցանկանում է ստեղծել իր սեփական աշխարհը»։
Զելենսկին կրկին հայտարարել է, որ Ուկրաինան չի համաձայնվի Ռուսաստանի իշխանությունների կողմից պահանջվող տարածքային զիջումներին:
«Ես դա տեսնում եմ ոչ միայն որպես հող կամ ոչ միայն որպես հողային հարց: Ես դա տեսնում եմ այսպես. նահանջել, այսինքն՝ թուլացնել մեր դիրքերը, լքել այնտեղ գտնվող մեր հարյուր հազարավոր մարդկանց: Ահա թե ինչպես եմ ես դա տեսնում: Այս նահանջով բաժանել մեր հասարակությունը», – հայտարարել է Ուկրաինայի նախագահը։
Նրա կարծիքով՝ Պուտինը չի կանգնի, նույնիսկ եթե իր պահանջները բավարարվեն։ Զելենսկին հավելել է , որ Ուկրաինան կվերադարձնի իր բոլոր տարածքները, և դա միայն ժամանակի հարց է։ Սակայն, ըստ նրա, դա հիմա անելը կնշանակեր միլիոնավոր մարդկանց կորուստ, և դա չափազանց բարձր գին է։
Զելենսկին նաև կրկնել է, որ Ուկրաինան պատրաստ է ընտրություններ անցկացնել, բայց միայն անվտանգության երաշխիքներով, հավելելով, որ չգիտի՝ արդյոք ինքը կրկին կառաջադրվի նախագահի պաշտոնում։
Թարգմանությունը՝ Էմմա Չոբանյանի
