15.04.2026 | 23:15
Մրգաշենում սպանություն կատարած եղբայրները կալանավորվել են. ՔԿ
«Եթե հարց ունեն, թող գան, տեղս գիտեն»․ Տեր Օշինը՝ Ռուբեն Ռուբինյանի գրառման մասին
Քաղաքականություն
23.02.2026 | 13:26
«Նման բան չեմ ասել»,-Factor TV-ի հետ զրույցում այսպես արձագանքեց Տեր Օշին քահանա Հայրապետյանը ԱԺ փոխնախագահ Ռուբեն Ռուբինյանի այն գրառմանը, թե քահանան պսակադրվող զույգին ասել է՝ «կարևորը քավորը նորմալ տղա լինի, թասիբով տղա լինի, նկատի ունեմ՝ ՔՊ-ական չլինի»:
«․․․Տեր Օշինին խորհուրդ եմ տալիս խելքը գլուխը հավաքել։
Հ.Գ. պապիս պապու պապու պապը՝ Տեր Օհանը, 1850-ականներին եղել է հենց Սաղմոսավանքի հոգևոր հովիվը»,- գրել էր Ռուբինյանը։
«Պատվարժան մարդ է եղել, եթե Սաղմոսավանքում է ծառայել, սակայն չեմ կարծում, որ իր պապն է եղել։ Այդ մարդկանցից չի կարող նման թոռնիկ ծնվել, որ վեհափառ հայրապետի անունը կրճատ ասի կամ չիմանալով նրա անունը, ուրիշ անուն ասի։ Հիշեցրեք, որ վեհափառի անունը Գարեգին Բ Ամենայն հայոց կաթողիկոս է, նույնիսկ անձնագրով։ Չես կարող Տեր հայրի թոռ լինելով հանդերձ այդպիսի բան քեզ թույլ տալ»,- ասաց քահանան։
Արված արտահայտության վերաբերյալ 2-րդ անգամ տրված հարցին քահանան պատասխանեց, որ հիմա ոչինչ այլևս չի ուզում մեկնաբանել․ «Facebook-ով չի, որ պիտի տարածեն, հանրայնացնեն ինչ-որ մի թեմա։ Եթե հարց ունեն, թող գան, տեղս էլ գիտեն»։
Եվգենյա Համբարձումյան
