19.08.2026 | 16:16
«Ուիմբլդոն-2022»-ի եզրափակիչի մասնակիցը որակազրկվել է կոկաին օգտագործելու համար
S&P Global գործակալությունը վերանայել է Հայաստանի վարկանիշի հեռանկարը՝ դարձնելով այն «դրական», և հաստատել է վարկանիշը «BB-» մակարդակում
Տնտեսություն
23.02.2026 | 11:26
ՀՀ ֆինանսների նախարարությունից տեղեկացնում են, որ միջազգային հեղինակավոր S&P Global գործակալությունը վերանայել է Հայաստանի վարկանիշի հեռանկարը՝ դարձնելով այն «դրական», և հաստատել է վարկանիշը «BB-» մակարդակում:
«Սա հաջորդում է Fitch Ratings-ի կողմից Հայաստանի վարկանիշի նմանատիպ բարելավմանը, ինչը փաստում է երկրի նկատմամբ ձևավորված միջազգային տնտեսական վստահության շարունակական դրական շղթայի մասին։
Հեռանկարի վերանայումն արտացոլում է տարածաշրջանային իրավիճակի բարելավման ներուժը, մասնավորապես՝ Հայաստանի և Ադրբեջանի միջև հարաբերությունների կարգավորման առաջընթացը: Այն պայմանավորված է Հայաստանի տնտեսական աճի դրական հեռանկարով և միջազգային պահուստների ավելի բարձր մակարդակի ու ճկուն փոխարժեքի միջոցով արտաքին ցնցումները կլանելու հնարավորությամբ:
Գործակալության պնդմամբ` վարկանիշը հիմնված է Կառավարության հետևողական հարկաբյուջետային քաղաքականության, մեղմացող ռիսկերի և արտարժութային ամուր դիրքերի վրա: «Դրական» հեռանկարի սահմանումը նշանակում է, որ հաջորդ վերանայումների ժամանակ առկա է վարկանիշի փաստացի բարձրացման մեծ հավանականություն»,- ասված է ՀՀ ֆինանսների նախարարության տարածած հաղորդագրության մեջ։
