27.10.2026 | 23:30
Հայաստանի, Ադրբեջանի և Վրաստանի դեսպանները քննարկել են Հարավային Կովկասի խաղաղության և կայունության ամրապնդման հարցերը
Վրաստանում օտարերկրացիներ են ձերբակալվել 3 միլիոն դոլարի ուրան և ռադիոակտիվ նյութեր գնելու փորձի ժամանակ
Քաղաքականություն
19.02.2026 | 17:11
Վրաստանի Պետանվտանգության ծառայությունը (ՊԱԾ) հայտարարել է, որ Քութայիսիում (Իմերեթիի շրջան) երկու օտարերկրացիներ են ձերբակալվել՝ 3 միլիոն դոլարի ուրան և ցեզիում-137 ռադիոակտիվ նյութ գնելու փորձի ժամանակ։
Նշվում է, որ վերջին մեկուկես օրվա ընթացքում անցկացված հատուկ գործողության ընթացքում ձերբակալվել է, ընդհանուր առմամբ, 29 անձ, որոնք նույնականացվել են որպես մեղադրյալներ 13 քրեական գործով։ ՊԱԾ-ն ընդգծել է, որ վերոնշյալ նյութերն օգտագործվում են տարբեր հանցավոր, այդ թվում՝ ահաբեկչական նպատակներով։
Հետաքննությունը պարզել է, որ ձերբակալված օտարերկրացիները վերջին շաբաթների ընթացքում պարբերաբար այցելել են Վրաստան և փորձել կազմակերպել միջուկային ու ռադիոակտիվ նյութերի գնումն ու տեղափոխումը այլ երկիր։
Հարուցվել է քրեական գործ՝ «Միջուկային նյութերի կամ սարքերի, ռադիոակտիվ թափոնների կամ ռադիոակտիվ նյութերի անօրինական շփման» հոդվածով։
Թարգմանությունը՝ Էմմա Չոբանյանի
