Դեպի նոր ընտրություն՝ չկատարված խոստումների բեռով. ի՞նչ պատկեր է սոցիալական ոլորտում. ՏԵՍԱՆՅՈՒԹ

Լուրեր

17.11.2026 | 19:30
Հայաստանի բնակչությունը գերազանցել է 3,1 միլիոնը․ հիմնական աճը՝ Երևանում և հարակից մարզերում
17.11.2026 | 19:16
Փրկարարները մարել են հանդիսությունների սրահում բռնկված հրդեհը
17.11.2026 | 19:01
Որտեղի՞ց էր այն փողը, որը տալիս էր․ Վահագն Ալեքսանյանը՝ Արսեն Գևորգյանի մասին. ՏԵՍԱՆՅՈՒԹ
17.11.2026 | 18:49
Թուրքիայի դատարանն ընդդիմադիր Sözcü TV-ն պետական ​​վերահսկողությանն է փոխանցել․ ոստիկանությունը ձերբակալել է ղեկավարներին
17.11.2026 | 18:28
Թրամփը հայտարարել է, որ Վաշինգտոնի վրա հարձակման դեպքում Իրանը շատ մեծ գին կվճարի
17.11.2026 | 18:22
Եթե ես վաղը բանտում մահանամ, ինձ հետ սենց չվարվեք հանկարծ․ Եղոյանը՝ Արսեն Գևորգյանի մահվան մասին․ ՏԵՍԱՆՅՈՒԹ
17.11.2026 | 18:15
Խցանումներից խուսափելու համար քննարկվում են կենտ ու զույգ համարներով երթևեկության սահմանափակումներ և տուգանքների խստացում․ Ավինյան
17.11.2026 | 18:10
Շաքի մտած ադրբեջանցու գործողությունները՝ ըստ մեղադրանքի // Պապիկյանը Բրյուսել է մեկնել․ ԼՈՒՐԵՐ
17.11.2026 | 18:02
Բրազիլիայի հավաքականը խփեց 7 գոլ, Վինիսիուսի հեթ-տրիկը. ՏԵՍԱՆՅՈՒԹ
17.11.2026 | 17:54
Կատարը նախազգուշացրել է՝ Իրանի հարձակումը Բահրեյնում ԱՄՆ ռազմաբազայի վրա սպառնում է խաղաղ բանակցություններին
17.11.2026 | 17:45
Ընկերությունները կարող են քրեական պատասխանատվության ենթարկվել, նույնիսկ եթե հանցանք կատարած անձը հայտնի չէ․ ԱՆ-ի նոր առաջարկը
17.11.2026 | 17:37
ՔՊ-ից մի հոգի է ցավակցություն հայտնել․ Նարեկ Կարապետյանը՝ Արսեն Գևորգյանի մահվան մասին․ ՏԵՍԱՆՅՈՒԹ
17.11.2026 | 17:28
Հայաստանում կարող են վերանայվել բենզալցակայանների՝ բնակելի շենքերից հեռավորության և հողատարածքի նվազագույն մակերեսի պահանջները
17.11.2026 | 17:17
«Վերահաստատեցինք՝ համեղ ծիրանները հայկական են»․ դեպի ԵՄ երկրներ հայկական արտադրանքի արտահանումն աճում է․ Միրզոյանը հանդիպել է Մաթա Կոսի հետ
17.11.2026 | 17:07
Հայաստանի Մ-17 հավաքականը ոչ-ոքի խաղաց Լյուքսեմբուրգի հետ. ՏԵՍԱՆՅՈՒԹ
Բոլորը

«Քաղաքացիական պայմանագիր» կուսակցությունը 2021 թվականի հունիսի 20-ի ընտրություններում 688,761 քվե ստացավ և միանձնյա իշխանություն ձևավորեց։ Ընտրություններից առաջ ՔՊ-ն մի շարք չափելի խոստումներ էր տվել, որոնք պետք է իրականացներ մինչև 2026 թվականը։ Արդեն մոտենում են հաջորդ ընտրությունները․ Factor TV-ն փորձել է պարզել քաղաքական ուժի՝ սոցիալական ոլորտում տված խոստումները որքանով են իրագործվել։

«Գործազրկությունն իջեցնել 10%-ից ցածր: Աղքատության մակարդակը նվազեցնել կրկնակի: Կենսաթոշակի չափը, միջին չափը 43,500 դրամից դարձնել 61,000 դրամ: Նվազագույն կենսաթոշակը 26,500 դրամից դարձնել 37,000 դրամ: Նվազագույն աշխատավարձը 68,000 դրամից դարձնել առնվազն 85,000 դրամ»,- 2021-ի նախընտրական քարոզարշավի ժամանակ հայտարարեց վարչապետը։

Նիկոլ Փաշինյանի թվարկած ուղղություններով ինչ պատկեր է այժմ․ Աշխատանքի և սոցիալական հարցերի նախարարության՝ Factor TV-ի հարցմանը պատասխանից պարզ է դառնում, որ գործազրկությունը 10%-ից չի նվազել։ Վիճակագրական կոմիտեի կողմից հրապարակված տեղեկատվության համաձայն՝ 2025-ի երրորդ եռամսյակի տվյալներով գործազրկության մակարդակը կազմել է 11,8%: 

Կենսաթոշակի միջին չափը, խոստացված 61 հազարի փոխարեն, կազմում է 49 հազար 32 դրամ։ Նվազագույն կենսաթոշակի չափը, 37 հազար դրամի փոխարեն, 36 հազար դրամ է։ 

Չի կատարվել նաև նվազագույն աշխատավարձի չափին վերաբերող խոստումը։ Հայաստանում այժմ նվազագույն աշխատավարձը կազմում է 75 հազար դրամ․ այն 10 հազարով պակաս է ՔՊ-ի նախընտրական ծրագրում նշված թվից։

Ավելացել է միջին աշխատավարձի չափը 46,500 դրամով, 28%-ով՝ 2018 թվականի մեկնարկի համեմատ: 2018 թվականի ապրիլին միջին ամսական աշխատավարձը կազմել է 166,200 դրամ, իսկ 2021 թվականի մարտին՝ 212,700 դրամ: Սա մեր երկրում երբևէ արձանագրված ամենաբարձր ցուցանիշն է»,- 2021-ին նշել էր Փաշինյանը։

2021-ի խորհրդարանական ընտրություններին ընդառաջ՝ «Քաղաքացիական պայմանագիրը» խոստացել էր միջին աշխատավարձը 190,000 դրամից հասցնել 300,000 դրամի։ Քաղաքական ուժի այս խոստումը կատարվել է, մի բան էլ ավելին․ միջին ամսական անվանական աշխատավարձի չափը 2025-ին կազմել է 376,743 դրամ. պետական հատվածում՝ 358,602 դրամ, իսկ մասնավոր հատվածում՝ 383,611 դրամ։

«Ծայրահեղ աղքատությունը 0,6 տոկոս է՝ անկախ մեթոդաբանությունից։ Դա նշանակում է՝ մենք շատ մոտ ենք ծայրահեղ աղքատությունը վերացնելու մեր նախընտրական խոստմանը, որը տվել են 2021-ին»,- ԱԺ-ում «ՀՀ 2026թ. պետբյուջեի մասին» օրենքի նախագծի քննարկման հայտարարեց Փաշինյանը։

ՔՊ-ն խոստանում էր աղքատության մակարդակը կրկնակի նվազեցնել։ 2021-ին աղքատության մակարդակը կազմում էր 26,5%, ծայրահեղ աղքատությունը՝ 1,5%, իսկ 2024թ., համապատասխանաբար, կազմել է 21,7% և 0,6%։ 2025-ի տվյալները դեռևս չեն հրապարակվել։

Նախընտրական խոստումներից էր նաև հաշմանդամություն ունեցող անձանց նպաստները 26,500 դրամից 33,000-52,000 դրամ սահմանելը՝ ըստ ծանրության աստիճանի։ Այս պահին ոլորտում ամենաբարձր նպաստը կազմում է 39 հազար դրամ։

Ստացվում է՝ սոցիալապես անապահով խավերի կենսամակարդակի վրա ուղղակիորեն ազդեցություն ունեցող նվազագույն աշխատավարձին, կենսաթոշակներին և աղքատության ընդհանուր մակարդակին վերաբերող ցուցանիշները դեռևս չեն հասել 2026 թվականի համար սահմանված թիրախներին։

Մանրամասները՝ տեսանյութում։

Եվգենյա Համբարձումյան