27.10.2026 | 23:30
Հայաստանի, Ադրբեջանի և Վրաստանի դեսպանները քննարկել են Հարավային Կովկասի խաղաղության և կայունության ամրապնդման հարցերը
ՌԴ Պետդուման ընդունել է օրինագիծ, որը թույլ է տալիս ԱԴԾ-ի պահանջով արգելափակել բջջային կապը
Քաղաքականություն
17.02.2026 | 18:27
ՌԴ Պետդուման երկրորդ և երրորդ ընթերցմամբ ընդունել է օրինագիծ, որը պարտավորեցնում է բջջային օպերատորներին արգելափակել կապը Անվտանգության դաշնային ծառայության պահանջով։ Առաջին ընթերցմամբ ընդունված փաստաթղթում նշվում էր, որ ԱԴԾ-ն կարող է ուղարկել «հարցումներ» կապն արգելափակելու համար՝ «անվտանգության ի հայտ եկող սպառնալիքներից պաշտպանվելու համար», գրում է The Insider-ը։
Երկրորդ ընթերցմամբ, ըստ լրատվամիջոցների, «հարցում» բառը փոխարինվել է «պահանջով»։ Փաստաթղթի նոր տարբերակի համաձայն՝ օպերատորները պարտավոր են «կասեցնել կապի ծառայությունները Անվտանգության դաշնային ծառայության մարմիններից պահանջներ ստանալուց հետո՝ Ռուսաստանի Դաշնության նախագահի կարգավորող իրավական ակտերով սահմանված դեպքերում»։
Օրինագծի նոր տարբերակը Պետդումայի տվյալների բազայում հայտնվել է փետրվարի 13-ին։ «Անվտանգության սպառնալիքների» մասին հղումը որպես անվտանգության ուժերի գործողությունների պահանջ հանվել է փաստաթղթից՝ պաշտոնապես ընդլայնելով ուժայինների լիազորությունները։
Թարգմանությունը՝ Էմմա Չոբանյանի
