28.10.2026 | 16:00
Արթուր Բաղդասարյանի և փոխկապակցված 7 անձանց գույքերի վրա արգելանք է դրվել․ ԼՈՒՍԱՆԿԱՐՆԵՐ
Բաքուն Ռուբեն Վարդանյանին դատապարտեց 20 տարվա ազատազրկման
Քաղաքականություն
17.02.2026 | 11:31
Բաքվի զինվորական դատարանում հրապարակվեց Արցախի նախկին պետնախարար Ռուբեն Վարդանյանի շինծու գործերով դատավճիռը։ Ռուբեն Վարդանյանը դատապարտվեց 20 տարի ժամկետով ազատազրկման։
Ըստ ադրբեջանական աղբյուրների՝ նիստին ներկա են եղել Վարդանյանը, նրա փաստաբանը, այսպես կոչված, «տուժողներ» և նրանց իրավահաջորդները, նրանց ներկայացուցիչները, մեղադրող կողմը, ինչպես նաև Ադրբեջանի պետությունը որպես տուժող ներկայացնող նախարարների կաբինետի ղեկավար Ռուֆաթ Մամեդովը։
Փետրվարի 10-ին կայացած դատավարության ժամանակ հայտարարվել էր դատաքննության ավարտի մասին, որից հետո դատարանը հեռացել էր խորհրդակցական սենյակ՝ դատավճիռ կայացնելու։
Հավելենք, որ մեղադրող կողմը ցմահ ազատազրկում էր պահանջել։
Ադրբեջանը Ռուբեն Վարդանյանին մեղադրում է խաղաղության և մարդկության դեմ ուղղված հանցագործությունների, ռազմական հանցագործությունների, ահաբեկչության, ահաբեկչության ֆինանսավորման, այլ ծանր հանցագործությունների մեջ։
