Ընդդիմադիր Քերիմլին ցանկանում էր Բաքուն դարձնել ՀԱՊԿ անդամ. Ադրբեջանի ՊԱԾ-ը՝ երկրում հեղաշրջման փորձի մասին

Ադրբեջանի Պետական ​​անվտանգության ծառայության (ՊԱԾ) կողմից երկրի անվտանգության, ազգային շահերի և բարեկեցության դեմ ուղղված սադրիչ և ապակառուցողական գործողությունները կանխելու համար ձեռնարկված համապարփակ միջոցառումների արդյունքում առաջացել են հիմնավոր կասկածներ, որ Ադրբեջանի Հանրապետության քաղաքացիներ Մեհդիև Ռամիզը, Աբբաս Աբբասովը, Ալի Քերիմլին և ուրիշներ կատարել են իշխանության բռնի զավթման և պետության սահմանադրական կարգի բռնի տապալմանն ուղղված գործողություններ: Այս մասին ասվում է Ադրբեջանի ՊԱԾ-ի հայտարարության մեջ:

Նշվում է, որ քրեական գործի մեղադրական եզրակացության համաձայն՝ օտարերկրյա հատուկ ծառայությունների կողմից Ադրբեջանի քաղաքական գործընթացներին միջամտելու համար ստեղծված և 2012 թվականի հուլիսի 4-ին օտարերկրյա պետությունում «Ռուսաստանի ադրբեջանական կազմակերպությունների միություն» անվամբ գրանցված և «Միլիարդատերերի միություն» անվանումով հայտնի կազմակերպության համահիմնադիրներն ու ղեկավարները՝ Աբբասով Աբբասը և Իբրահիմբեկով Ռուստամը, ինչպես նաև Մեհդիև Ռամիզը, Ադրբեջանի ժողովրդական ճակատ կուսակցության  նախագահ Քերիմլի Ալին, կուսակցության անդամներ Ղահրամանլի Ֆուադը, Գանիմաթ Զայիդով և ուրիշներ դավադրության մեջ են մտել պետական ​​իշխանությունը բռնի կերպով զավթելու և պետության գործող սահմանադրական կարգը բռնի կերպով փոխելու համար։

2013 թվականի Ադրբեջանի նախագահական ընտրություններում «Ժողովրդավարական ուժերի ազգային խորհուրդ» (Ազգային խորհուրդ) անվամբ կազմակերպություն ստեղծելուց հետո, որն օտարերկրյա քաղաքացի Ռուստամ Իբրահիմբեկովին առաջադրել է որպես թեկնածու, նրանք, օտարերկրյա հետախուզական գործակալությունների ֆինանսական օգնությամբ և այլ կազմակերպչական աջակցությամբ իրականացրել են ​​իշխանությունը բռնի կերպով զավթելու, կառավարության ներկայացուցիչների օրինական պահանջներին չենթարկվելու, հասարակական կարգը խախտելու և տրանսպորտի, ձեռնարկությունների, գերատեսչությունների և կազմակերպությունների աշխատանքը խաթարելու նպատակով զանգվածային անկարգություններ կազմակերպելու գործունեություն, ինչպես նաև Ազգային ժողովրդավարական կուսակցության անդամ Իբրահիմ Մամեդի և այլ անձանց միջոցով ստացված 933,828.40 մանաթի միջոցները, այդ թվում՝ Ռամիզ Մեհդիևից և Աբբաս Աբբասովից ստացված միջոցները, ուղղորդել հանրապետության տարբեր շրջաններից մարդկանց վերը նշված գործողությունները կատարելու համար ներգրավելու համար:

Ըստ հայտարարության՝ «Միլիարդատերերի միություն» կոչվող կազմակերպության անդամներին հանձնարարվել է 2013 թվականի նախագահական ընտրությունների ժամանակ Ադրբեջան ուղարկել իրենց հսկողության ներքո աշխատող կամ իրենց բնակության վայրում այս կամ այն ​​կերպ իրենց պաշտպանության տակ գտնվող Ադրբեջանի քաղաքացիներին, որոնցից յուրաքանչյուրին հանձնարարվել էր ապահովել Ադրբեջանում գտնվող հարազատների և ընկերների ներգրավումը՝ նրանց օգտագործելու նպատակով՝ համաձայն օտարերկրյա հետախուզական ծառայությունների հրահանգների՝ հանրահավաքներին և զանգվածային անկարգություններին։

Նշվում է, որ նախնական բանակցությունների արդյունքում, համապատասխան օտարերկրյա պետության լիազորված անձանց ցանկությանը համապատասխան, «Ազգային խորհրդի» կողմից 2013 թվականին այդ օտարերկրյա պետության ղեկավարությանը ուղղված գաղտնի նամակում պարունակվում էր «խորհրդի» գործունեությունը աջակցելու խնդրանք և առաջարկ՝ Ադրբեջանում «բարեփոխումներ» իրականացնելու նպատակով ճնշում գործադրելու ադրբեջանական պետության վրա։

Ըստ մեղադրական եզրակացության՝ Գանիմատ Զայիդովը 2013 թվականի սկզբից Ալի Քերիմլիի անունից գաղտնի հարաբերությունների մեջ է մտել օտարերկրյա պետության հատուկ ծառայությունների ներկայացուցիչների հետ, բանակցություններ է վարել, խնդրել է օգտագործել օտարերկրյա հատուկ ծառայությունների լայնածավալ կազմակերպչական և հատուկ հնարավորությունները՝ Ադրբեջանի Հանրապետությունում իր իշխանության գալն ապահովելու համար, Ադրբեջանում օտարերկրյա պետության ռազմավարական շահերը ապահովելու խոստման դիմաց՝ հետևողականորեն նշելով կոնկրետ մանրամասներ, կողմերը նաև համաձայնության են եկել, որ եթե Ալի Քերիմլին իշխանության գա, Ադրբեջանի Հանրապետությունը աստիճանաբար կդառնա Հավաքական անվտանգության պայմանագրի կազմակերպության լիիրավ անդամ։

Մեղադրական եզրակացության համաձայն՝ Ալի Քերիմլին, շարունակելով իր հանցավոր գործողությունները վերոնշյալ անձանց հետ նախապես համաձայնեցված համաձայնագրի համաձայն, 2020 թվականի հուլիսի 14-ի լույս 15-ի գիշերը, երբ Ադրբեջանի քաղաքացիները Բաքվում երթ էին կազմակերպել բանակի աջակցության և «Ադրբեջանի Ղարաբաղյան շրջանում Հայաստանի կողմից սանձազերծված պատերազմի դեմ», հրահանգել է Ֆուադ Ղահրամանլիին և այլ անձանց միանալ երթի մասնակիցներին՝ կազմակերպելով փոքր խմբեր կուսակցությունում ներկայացված անձանց հետ միասին, այնուհետև, հայրենասիրական կարգախոսները փոխարինելով սադրիչ կոչերով՝ քաոսային իրավիճակ ստեղծելու համար, վերահսկելով ամբոխը, օգտվելով ստեղծված իրավիճակից, գրավելով Ադրբեջանի Միլլի Մեջլիսի և «Ադրբեջանի հեռուստատեսություն և ռադիոհեռարձակում» ՓԲԸ-ի վարչական շենքերը, այդ թվում՝ լրատվամիջոցների միջոցով հայտարարելով իշխանության զավթման մասին։

Բացի այդ, ըստ ՊԱԾ հաղորդագրության, 2025 թվականի սեպտեմբերի 27-ին Ռամիզ Մեհդիևն իր օգնական Էլդար Ամիրովի և այլ անձանց միջոցով Ալի Քերիմլիին է ներկայացրել 2025 թվականի օգոստոս-սեպտեմբեր ամիսներին օտար լեզվով կազմված «Պետական ​​կառավարման համակարգի վերակառուցման առաջարկներ» վերնագրով գրավոր փաստաթուղթ, որը պարունակում էր պետական ​​իշխանությունների դեմ ուղղված գաղտնի ծրագրեր և գործողությունների ուղիներ: Այս փաստաթղթում նշված հարցերը համատեղ համակարգելու համար, 2025 թվականի հոկտեմբերի 3-ին նա «Շարգ-Գարբ» ԲԲԸ-ի աշխատակիցների միջոցով, որի փաստացի սեփականատերն է ինքը, վերոնշյալ հոդվածի վերջնական խմբագրված տարբերակը ուղարկել է օտարերկրյա հետախուզական գործակալությունների բարձրաստիճան պաշտոնյաներին, որոնց հետ անձամբ նախապես կապ է հաստատել, և ուղարկումը տեխնիկապես գրանցվել է։

Ասվում է, որ այդ գործողություններով Ռամիզ Մեհդիևը կատարել է գործողություններ, որոնք ուղղված են եղել օտարերկրյա հետախուզական գործակալությունների օգնությամբ պետական ​​իշխանությունը զավթելուն և սահմանադրական կառուցվածքը բռնի կերպով փոխելուն, ինչպես նաև դավաճանել է պետությանը՝ օգնություն ցուցաբերելով օտարերկրյա պետության ներկայացուցիչներին՝ հակառակ Ադրբեջանի պետական ​​անվտանգության շահերի։

Բացի այդ, մինչև 2025 թվականի հոկտեմբերի 13-ը Ռամիզ Մեհդիևը լվացել է ավելի քան 17,000,000 մանաթ հանցավոր ճանապարհով ձեռք բերված միջոցներ։

Վերը նշված հանցավոր գործողություններին մասնակցելու համար Աբբաս Աբբասովին, Ալի Քերիմլիին, Ֆուադ Ղահրամանլիին, Մամեդ Իբրահիմին և Գանիմատ Զայիդովին մեղադրանք է առաջադրվել Ադրբեջանի  քրեական օրենսգրքի 278.1 (իշխանությունը բռնի զավթելու կամ բռնի կերպով պահպանելու, ինչպես նաև պետության սահմանադրական կառուցվածքի բռնի փոփոխությանն ուղղված գործողություններ), Էլդար Ամիրովին (իշխանությունը բռնի կերպով զավթելու կամ բռնի կերպով պահպանելու, ինչպես նաև պետության սահմանադրական կառուցվածքի բռնի փոփոխությանն ուղղված գործողություններին օժանդակություն), Ռամիզ Մեհդիևին (իշխանությունը բռնի կերպով զավթելու կամ բռնի կերպով պահպանելու, ինչպես նաև պետության սահմանադրական կառուցվածքի բռնի փոփոխությանն ուղղված գործողություններին օժանդակություն), 193-1.3.2 (հանցավոր ճանապարհով ձեռք բերված խոշոր չափերի ունեցվածքի լվացում), 274 (պետական ​​դավաճանություն) և 278.1 հոդվածներով։

Քանի որ Աբբաս Աբբասովը, Ֆուադ Ղահրամանլին և Գանիմատ Զայիդովը գտնվում են Ադրբեջանի տարածքից դուրս և թաքնվում են հետաքննությունից, նրանց նկատմամբ հայտարարվել է հետախուզում։ Դատարանը նրանց նկատմամբ որպես խափանման միջոց է ընտրել նախնական կալանքը՝ հեռակա կարգով։

Թարգմանությունը՝ Էմմա Չոբանյանի