28.06.2026 | 16:37
Բագրատաշենի մաքսային կետում մաքսային ձևակերպումներն իրականացվել են անխափան և բնականոն ընթացքով. ՊԵԿ
Գոլ, ինքագոլ, կարմիր քարտ՝ նորամուտի խաղում․ ՏԵՍԱՆՅՈՒԹ
09.02.2026 | 18:15
Իսպանական «Սարագոսայի» պաշտպան Ջավադ Էլ Յամիքի նորամուտն ուշագրավ է ստացվել նոր թիմում։ «Էյբարի» դեմ խաղում 33-ամյա ֆուտբոլիստը դարձել է գոլի հեղինակ, գրավել է սեփական դարպասը, ինչպես նաև հեռացվել է դաշտից։
Իսպանիայի Սեգունդայի 21-րդ տուրի հանդիպման 26-րդ րոպեին Էլ Յամիքն անկյունայինի խաղարկման արդյունքում գլխի հարվածով բացել է հաշիվը։ Երկրորդ խաղակեսի սկզբնամասում 33-ամյա ֆուտբոլիստը գրավել է սեփական դարպասը։ Ավելացված ժամանակում էլ «Սարագոսայի» նորեկը կարմիր քարտ է ստացել մրցակցին հարվածելու համար։ Հանդիպումն ավարտվել է 1։1 հաշվով։
Ջավադ Էլ Յամիքը 2017 թվականից հանդես է գալիս նաև Մարոկկոյի հավաքականում, որի կազմում անցկացրել է 35 հանդիպում ու դարձել 4 գոլի հեղինակ։ Եվրոպայում նա խաղացել է նաև իտալական «Ջենոայում», «Պերուջայում» ու իսպանական «Վալյադոլիդում»։
