09.08.2026 | 11:33
Ահազանգ է ստացվել, որ Սևանա լճի լողափերից մեկում քաղաքացիները հեծանիվ-նավակով հեռացել են ափից և չեն կարողանում վերադառնալ․ ՆԳՆ
Լապշինի արտահանձնումը Կրեմլի թեման չէ. Պեսկով
Քաղաքականություն
20.07.2017 | 15:58
Բաքվում 3 տարվա ազատազրկման դատապարտված ՌԴ և Իսրայելի քաղաքացի, բլոգեր Ալեքսանդր Լապշինի հնարավոր արտահանձնումը Կրեմլի թեման չէ: Այդ մասին հայտարարել է Ռուսաստանի նախագահի մամուլի քարտուղար Դմիտրի Պեսկովը. տեղեկացնում է ria.ru-ն:
«Ո՛չ, դա Կրեմլի թեման չէ»,- հայտարարել է Պեսկովը՝ պատասխանելով հարցին, թե Կրեմլում հետևում են այդ թեմային և արդյոք պնդելու են նրա արտահանձնումը:
Հիշեցնենք, որ Բաքվի ծանր հանցագործությունների դատարանը հինգշաբթի օրը բլոգեր Ալեքսանդր Լապշինին դատապարտեց 3 տարվա ազատազրկման:
«Ալեքսանդր Լապշինը 3 տարվա ազատազրկման է դատապարտվել՝ մեղավոր ճանաչվելով 318.2 հոդվածով, որը նախատեսում է պատիժ հանցավոր խմբի կազմում Ադրբեջանի պետական սահմանները անօրինական հատելու համար»,- նշված է դատավճռում:
