23.01.2026 | 17:04
«Պատասխան են տալու»․ Կոնջորյանը՝ ՀԷՑ-ի գործով արբիտրաժային տրիբունալի որոշման մասին․ ՏԵՍԱՆՅՈՒԹ
Խորհրդի նիստին սուր են ճոճում, էստեղ սուրը դնում են պատյանում, վազելով փախնում են․ Կոնջորյան․ ՏԵՍԱՆՅՈՒԹ
Քաղաքականություն
23.01.2026 | 12:54
«Դուք նույնիսկ ձեր աթոռների վրա ձեր կշիռը չեք կարողանում պահպանել, քաղաքական դաշտում դուք ձեր կշիռը ո՞նց եք պահելու»,- այս մասին ԱԺ արտահերթ նիստում հայտարարեց «Քաղաքացիական պայմանագիր» խմբակցության ղեկավար Հայկ Կոնջորյանը՝ դիմելով «Հայաստան» խմբակցությանը։
«Մի քանի օր առաջ իրենք ի՞նչ էին ասում, ասում էին՝ քննիչ հանձնաժողովի զեկույցը բա ո՞ւր է։ Հիմա էլ եկել են այստեղ կամ խորհրդի նիստին, այս հարցի քննարկման վերաբերյալ բովանդակային դատողություններ են անում, բայց հարցի բովանդակային քննարկմանը չեն մասնակցում։
Եկել են դիտորդական առաքելությունից են խոսում, բայց իրենք, ընդդիմություն լինելով, ընտրակաշառքի վրա բռնվել են, դատարանի օրինական վճիռ էլ կա։ Դրա համար էլ չեն մասնակցում բովանդակային քննարկմանը, որովհետև, որ մասնակցեին, այս փաստարկները լսելու էին, չէ։ Դրա համար էլ թողեցին, գնացին»,-ասաց նա՝ արձագանքելով Ընտրական օրենսգրքում նախատեսվող փոփոխությունների վերաբերյալ նախագծի քննարկմանը չմասնակցելու՝ «Հայաստան» դաշինքի որոշմանը։
«Գալիս են խորհրդի նիստին, փակ, առանց տեսախցիկների, սուր են ճոճում, հետո այստեղ, էլի նույն խիզախությամբ սուրը դնում են պատյանում և վազելով փախնում են»,-նշեց նա։
Մանրամասները՝ տեսանյութում։
