30.10.2026 | 01:09
Երկրաշարժ Ջերմուկ քաղաքից 15 կմ հյուսիս-արևելք
Թրամփը հայտարարել է, թե ամեն ինչ կարվի՝ Գրենլանդիայից «ռուսական սպառնալիքը» հեռացնելու համար, ինչը Դանիան չի կարողացել անել
Քաղաքականություն
19.01.2026 | 12:21
ԱՄՆ նախագահ Դոնալդ Թրամփը հայտարարել է, որ Դանիան չի կարողացել ոչինչ անել Գրենլանդիայից «ռուսական սպառնալիքը» հեռացնելու համար՝ հավելելով. «Հիմա ժամանակն է, և դա կարվի», գրում է Reuters-ը։
«ՆԱՏՕ-ն 20 տարի շարունակ Դանիային ասում է, որ պետք է հեռացնեք ռուսական սպառնալիքը Գրենլանդիայից։ Դժբախտաբար, Դանիան չի կարողացել ոչինչ անել դրա դեմ»,- գրել է Թրամփը իր Truth Social սոցիալական ցանցում։
Սպիտակ տունը և Դանիայի արտաքին գործերի նախարարությունն անմիջապես չեն արձագանքել մեկնաբանության վերաբերյալ Reuters-ի հարցմանը։
Թրամփը բազմիցս պնդել է, որ չի համաձայնի Դանիայի ինքնավար տարածք հանդիսացող Գրենլանդիայի նկատմամբ սեփականության իրավունքից պակաս որևէ բանի հետ։
Ե՛վ Դանիայի, և՛ Գրենլանդիայի առաջնորդները պնդել են, որ կղզին վաճառքի համար չէ և չի ցանկանում լինել Միացյալ Նահանգների մաս։
Շաբաթ ԱՄՆ նախագահը խոստացել է եվրոպական դաշնակիցների ներմուծման համար մաքսատուրքերի նոր ալիք սահմանել՝ մինչև Միացյալ Նահանգներին թույլատրվի գնել Գրենլանդիան։
Չինաստանի և Ռուսաստանի ներխուժող ներկայությամբ Գրենլանդիան կենսական նշանակություն ունի ԱՄՆ անվտանգության շահերի համար, ասել է Թրամփը։ Դանիացի ու եվրոպացի այլ պաշտոնյաներ էլ նշում են, որ Գրենլանդիան արդեն իսկ ընդգրկված է ՆԱՏՕ-ի կոլեկտիվ անվտանգության պակտում։
Թարգմանությունը՝ Էմմա Չոբանյանի
