29.06.2026 | 12:03
Նորագյուղում գույքի փոխհատուցման չափը փոխվել է․ սեփականատերն իրավունք ունի ինքն ընտրել գնահատողին․ ՏԵՍԱՆՅՈՒԹ
Grok չաթբոտն այլևս չի կարողանա «մերկացնել» մարդկանց
Հաղորդաշարեր
15.01.2026 | 22:24
Grok չաթբոտն այլևս չի կարողանա «մերկացնել» իրական մարդկանց պատկերները՝ Մեծ Բրիտանիայում ու ԵՄ-ում կանանց և երեխաների զանգվածային կիսամերկ լուսանկարների վերաբերյալ օգտատերերի բազմաթիվ բողոքներից և հետաքննություններից հետո։ Այս մասին ասվում է xAI-ի հայտարարության մեջ, գրում է The Insider-ը։
Չորեքշաբթի երեկոյան հրապարակված հայտարարության մեջ չաթբոտը ստեղծողները նշել են, որ «միջոցներ են ձեռնարկել՝ Grok-ին թույլ չտալու համար իրական մարդկանց լուսանկարների խմբագրում և պատկերում բաց հագուստով, օրինակ՝ բիկինիով»։ Այս սահմանափակումները կվերաբերեն բոլոր օգտատերերին, այդ թվում՝ վճարովի բաժանորդներին։
«Մենք քայլեր ենք ձեռնարկում խիստ վտանգավոր բովանդակությունը, այդ թվում՝ երեխաների սեռական բռնությամբ և ոչ համաձայնեցված մերկությունը հեռացնելու համար, և համապատասխան միջոցներ ենք ձեռնարկում մեր քաղաքականությունը խախտող հաշիվների դեմ»,- վստահեցրել է ընկերությունը։
Նկարների ստեղծումը և խմբագրումը նույնպես այժմ միայն բաժանորդագրությամբ է։
Իրական լուսանկարներ մշակելու և մարդկանց մինչև ներքնազգեստ «մերկացնելու» հնարավորությունը օգտատերերի համար հասանելի դարձավ դեկտեմբերին չաթբոտի թարմացումից հետո: Եվրոպական հանձնաժողովի և Մեծ Բրիտանիայի կարգավորող մարմնի՝ Ofcom-ի քննադատությունից հետո, Grok-ը սկսեց պահանջել վճարովի բաժանորդագրություն պատկերներ ստեղծելու և խմբագրելու համար. այս հնարավորությունները սկզբում անվճար էին՝ օրական սահմանափակմամբ։
Այս ֆոնին Իլոն Մասկը խոստացել է բաց կոդով դարձնել Twitter-ի (X) առաջարկությունների ալգորիթմը և այն ամսական պարբերականությամբ թարմացնել։
Թարգմանությունը՝ Էմմա Չոբանյանի
