22.04.2026 | 23:30
ՀՀ տարածքում ավտոճանապարհները հիմնականում անցանելի են
ՀՀ-ի, ԱՄՆ-ի և մեր հարևանների համար շատ շահեկան փաստաթուղթ է․ Միրզոյանը՝ համատեղ հայտարարության մասին․ ՏԵՍԱՆՅՈՒԹ
Տնտեսություն
14.01.2026 | 10:45
Միրզոյանը Վաշինգտոնից անդրադարձել է ԱՄՆ պետքարտուղար Մարկո Ռուբիոյի հետ հանդիպումից հետո հրապարակված համատեղ հայտարարությանը։ Նրա խոսքով՝ սա դեռ վերջնական փաստաթուղթ չէ։
«Վստահեցնում եմ ձեզ, որ այն, ինչ մեզ բոլորիս, մեծ հաշվով քաղաքական, հանրային հնչեղության առումով հետաքրքիր է, հենց այս փաստաթուղթն է։ Ենթադրել կարող եմ, որ հետագայում արդեն կանոնադրական և հիմնադրման մյուս փաստաթղթերում մի քիչ ավելի իրավական տեքստ կլինի։ Իհարկե, չեմ բացառում, որ նաև լինեն ավելի մանրամասներ այն տեղերում, որտեղ որ այս փաստաթուղթը սպառիչ չի նկարագրում որևէ գործընթաց կամ որևէ պայման։ Ինչ էլ լինի, չի կարող շեղվել արդեն իսկ համաձայնեցված պայմաններից, դրույթներից»,- ասաց Միրզոյանը։
ԱԳ նախարար Արարատ Միրզոյանը և ԱՄՆ պետքարտուղար Մարկո Ռուբիոն այսօր Վաշինգտոնում հաստատել են «Թրամփի ուղի՝ հանուն միջազգային խաղաղության և բարգավաճման» (TRIPP) ծրագրի համար Հայաստան-ԱՄՆ կենսագործման շրջանակի վերաբերյալ համատեղ հայտարարություն:
Դրանում նշվում է, որ Հայաստանը մտադիր է թույլատրել և աջակցել ԹՐԻՓՓ զարգացման ընկերության հիմնմանը։ Ակնկալվում է, որ ընկերությունը պատասխանատու կլինի ԹՐԻՓՓ-ի զարգացման համար՝ 49 տարի նախնական ժամկետով նրան տրամադրվող կառուցապատման իրավունքով։
«Հայաստանը մտադիր է ԱՄՆ-ին առաջարկել ԹՐԻՓՓ զարգացման ընկերության 74% մասնաբաժինը և պահպանել 26% մասնաբաժինը։ Ակնկալվում է, որ այս համագործակցությունը կերկարաձգվի ևս 50 տարով՝ Հայաստանի կառավարությանը հավելյալ սեփականության տրամադրմամբ նրա մասնաբաժինը դարձնելով 49%»,- ասված է հայտարարության մեջ։
Մանրամասները՝ տեսանյութում։
