02.07.2026 | 16:05
Կալանավորը հացադուլի 51-րդ օրը դադարեցրել է այն․ նրա խափանման միջոց կալանքը փոխվել է
Հարավային Կորեայի նախկին նախագահի համար դատախազությունը մահապատիժ է պահանջել
Քաղաքականություն
13.01.2026 | 20:12
Հարավային Կորենայի հատուկ դատախազի թիմը մահապատիժ է պահանջել երկրի նախկին նախագահ Յուն Սուկ Յոլի համար՝ ռազմական դրություն մտցնելու անհաջող փորձի համար, նրան անվանելով ապստամբության հրահրող, որը ձգտում էր իշխանության գլուխ մնալ՝ դատական և օրենսդիր մարմինների վերահսկողությունը զավթելով, գրում է Yonhap գործակալությունը։
Հատուկ դատախազ Չո Ըն Սոկի թիմը պահանջել է պատիժը Սեուլի կենտրոնական շրջանային դատարանում Յունի գործի վերջնական լսումների ժամանակ։
Նախկին նախագահը հերքում է մեղադրանքները։ Նրա դատավճիռը սպասվում է փետրվարին։
Ըստ Reuters-ի՝ Հարավային Կորեան մահապատիժ չի իրականացրել մի քանի տասնամյակ։
2024 թվականի դեկտեմբերի սկզբին Յուն Սոկ Յոլը Հարավային Կորեայում ռազմական դրություն էր հայտարարել՝ նշելով «հյուսիսկորեական հակապետական ուժերին վերացնելու» անհրաժեշտությունը։
Ռազմական դրությունը տևել էր մի քանի ժամ, մինչև այն չեղարկվել էր խորհրդարանի կողմից։ Կարճ ժամանակ անց խորհրդարանի անդամները քվեարկել էին նախագահին իմպիչմենտի ենթարկելու օգտին։ Նա հեռացվել էր իշխանությունից, ապա ձերբակալվել։
Թարգմանությունը՝ Էմմա Չոբանյանի
