30.10.2026 | 14:36
Պենտագոնը Բալթյան երկրներին խնդրում է մեղմել ՌԴ-ից սպառնալիքի վերաբերյալ հռետորաբանությունը․ Reuters
ԵՄ-ն խոստանում է պատժամիջոցներ կիրառել Իրանի նկատմամբ «սարսափելի զոհերի պատճառով»
Քաղաքականություն
13.01.2026 | 18:20
ԵՄ ղեկավար Ուրսուլա ֆոն դեր Լեյենը երեքշաբթի օրը հայտարարել է, որ Բրյուսելը «կարճ ժամանակում» նոր պատժամիջոցներ կկիրառի Իրանի նկատմամբ՝ զանգվածային բողոքի ցույցերի ճնշման հետևանքով զոհերի թվի կտրուկ աճից հետո, գրում է AFP-ը։
«Իրանում զոհերի թվի աճը սարսափելի է։ Ես միանշանակ դատապարտում եմ ուժի չափազանց կիրառումը և ազատության շարունակական սահմանափակումը։ Շուտով կառաջարկվեն լրացուցիչ պատժամիջոցներ բռնաճնշումների համար պատասխանատուների նկատմամբ», – գրել է նա։
ԵՄ-ն աջակցություն է հայտնել համազգային բողոքի ցույցերին մասնակցող իրանցիներին, նշելով, որ տեղի ունեցողը հոգևորական ղեկավարության համար ամենամեծ մարտահրավերներից մեկն է 1979 թվականի իսլամական հեղափոխությունից հետո, որը տապալեց շահին։
ԵՄ-ն արդեն պատժամիջոցներ է կիրառել մի քանի հարյուր իրանցի պաշտոնյաների նկատմամբ՝ նախորդ բողոքի ցույցերի դեմ պայքարի և Թեհրանի կողմից Ուկրաինայի դեմ Ռուսաստանի պատերազմին աջակցելու համար։
ԵՄ-ին կոչեր են արվում Իրանի Իսլամական հեղափոխության պահապանների կորպուսը «ահաբեկչական» կազմակերպություն ճանաչելու համար, սակայն մինչ այժմ Բրյուսելը պնդում է, որ չունի այդ քայլը կատարելու իրավական հիմքեր։
Իր առցանց գրառման մեջ ֆոն դեր Լեյենը կրկնել է, որ ԵՄ-ն արդեն իսկ Իսլամական հեղափոխության պահապանների կորպուսը ներառել է ակտիվների սառեցման և վիզայի արգելքի սև ցուցակում՝ իրավունքների խախտումների պատճառով։
Թարգմանությունը՝ Էմմա Չոբանյանի
