14.04.2026 | 23:28
Կրեմլը վերանայում է ինտերնետի սահմանափակումների նկատմամբ մոտեցումը՝ վախենալով Պուտինի վարկանիշի անկումից․ Bloomberg
Խաղաղությանը զուգահեռ պետք է ունենանք որոշակի պաշտպանունակություն. Պապիկյան․ ՏԵՍԱՆՅՈՒԹ
Քաղաքականություն
13.01.2026 | 13:19
«Այս պահին «Պաշտպան հայրենյաց»-ի 4234 շահառու ունենք, հնարավոր շահառուները՝ 906, որը դեռ վերջնական թիվը չէ»,- այս մասին հրավիրված ասուլիսի ժամանակ հայտարարեց պաշտպանության նախարար Սուրեն Պապիկյանը։
«Ակնկալում ենք, որ այդ թվին կգումարվեն ևս 100-200 երիտասարդներ, գուցե ավելի, ես ուղղակի պայմանական թվեր եմ հնչեցնում՝ հաշվի առնելով նախորդ վիճակագրությունները։ Եվ սա էական համալրում է Զինված ուժերի համար, մանավանդ, որ դա պայմանագրային է, երկարաժամկետ է, և ես նշեցի նոր օրենսդրական փոփոխության մասին, այն է՝ հնգամյա պայմանագիրը դարձնել յոթ և տասը տարի, այսինքն՝ 2+5: Եվ սա դառնալու է, կարծում եմ, առաջիկա տարիներին Հայաստանի Հանրապետության բանակի հիմնական առանցքը»,- նշեց նա։
Անդրադառնալով զորանոցաշինությանը՝ Պապիկյանն ասաց, որ խաղաղության հաստատման պայմաններում հանգիստ կարող են ապահովել երկրի երկարաժամկետ պաշտպանունակությունը՝ անկախ նրանից սպառնալիքներ կա՞ն, թե՝ ոչ։
«Մենք ինքներս պիտի գնահատենք՝ ինչ հնարավորություն ունի մեր երկիրը և ինչ արտաքին մարտահրավերների պիտի դիմակայենք, բայց խաղաղությանը պատրաստվելիս կարևոր է, որ մենք նաև խաղաղությանը զուգահեռ ունենանք նաև որոշակի պաշտպանունակություն, որը ոչ մեկի անվտանգությանը և տարածքային ամբողջականությանը չի սպառնում, ընդհակառակը, ապահովում է մեր անվտանգությունը և տարածքային ամբողջականությունը»,- ասաց Պապիկյանը։
Մանրամասները՝ տեսանութում։
