13.01.2026 | 23:28
ՆԳՆ շրջիկ սպասարկման գրասենյակները ծառայություններ կմատուցեն Գեղարքունիքի և Վայոց ձորի մարզերում
Ռուսական զորքերը հարվածել են Օդեսային և Խարկովին. կան զոհեր ու վիրավորներ
Քաղաքականություն
13.01.2026 | 11:07
Ռուսական զորքերը հունվարի լույս 13-ի գիշերը զանգվածային հարված են հասցրել Խարկովի արվարձանում գտնվող փոստային տերմինալի վրա, հայտնել է Ուկրաինայի Պետական արտակարգ իրավիճակների ծառայությունը, գրում է Meduza-ն։
Հարձակման հետևանքով զոհվել է չորս մարդ, վեցը՝ տարբեր աստիճանի վնասվածքներ ստացել։
Խարկովի քաղաքապետ Իգոր Տերեխովի տեղեկացմամբ՝ Շևչենկովսկի շրջանի մանկական առողջարանի վրա անօդաչու թռչող սարքի հարված է գրանցվել հենց Խարկովում։ Տուժածների մասին տեղեկություններ չկան։
Մարզային դատախազության ներկայացուցիչը պարզաբանել է, որ Խարկովի վրա հարձակումը համակցված է եղել՝ հրթիռների և անօդաչու թռչող սարքերի մասնակցությամբ։
Օդեսայի կենտրոնում տեղի ունեցած երկու հարձակումների հետևանքով էլ վնասվել են բնակելի շենքեր, հիվանդանոց, մանկապարտեզ և դպրոց, հայտնել է մարզային ռազմական վարչակազմի ղեկավար Սերգեյ Լիսակը։ Նրա խոսքով՝ մինչ այժմ հայտնի է հինգ տուժածի մասին։
Թարգմանությունը՝ Էմմա Չոբանյանի
