08.03.2026 | 14:15
Իմ տղայի ծաղիկն եմ ուզում, իմ բալային եմ ուզում. անհետ կորածների մայրերի ակցիան` Մարտի 8-ին. ՏԵՍԱՆՅՈւԹ
Կիպրոսում Ռուսաստանի դեսպանատան աշխատակցին մահացած են գտել իր աշխատասենյակում
Քաղաքականություն
12.01.2026 | 22:17
Հունվարի 8-ին իր աշխատասենյակում մահացած է հայտնաբերվել Նիկոսիայում Ռուսաստանի դեսպանատան աշխատակիցը, հաղորդում է ANT1-ը, գրում է Current time-ը։
Աղբյուրի փոխանցմամբ՝ ոստիկանությունը տեղեկացվել է դիակի հայտնաբերումից մի քանի ժամ անց։ Ռուսաստանի դեսպանատան ներկայացուցիչները իրավապահներին չեն թողել մուտք գործել դեպքի վայր, և դիակը ոստիկանությանը հանձնել են դիվանագիտական բակում։ Դեսպանատունը ոստիկանությանը հայտնել է, որ մահը ինքնասպանություն է եղել, սպանվածը գրություն է թողել, բայց այն կուղարկվի Մոսկվա։
Հեռուստաալիքը չի նշել դեսպանատան աշխատակցի անունը։ Ավելի ուշ դիվանագիտական առաքելության Telegram ալիքը հաղորդագրություն է հրապարակել Ա.Վ. Պանովի մահվան մասին։ Այնտեղ նաև նշվել է, որ դեսպանատունը համագործակցում է Կիպրոսի իշխանությունների հետ նրա մարմինը հայրենիք վերադարձնելու համար։
Ավելի վաղ Կիպրոսի ոստիկանությունը հայտնել էր, որ «Ուրալկալի»-ի 56-ամյա նախկին տնօրեն Վլադիսլավ Բաումգերտները Կիպրոսում անհետացել է հունվարի 7-ին:
Թարգմանությունը՝ Էմմա Չոբանյանի
