30.10.2026 | 12:02
Թրամփը զանգահարել է Էրդողանին Անկարայում Թյուրքական պետությունների առաջնորդների ընթրիքի ժամանակ
Բողոքի ցույցերը շարունակվում են, շուկան կիսափակ վիճակում է․ Մովսես Քեշիշյանը՝ Թեհրանում իրավիճակի մասին
Քաղաքականություն
08.01.2026 | 11:20
Իրանում բողոքի ցույցերը շարունակվում են, Թեհրանի շուկան կիսափակ վիճակում է, այս մասին Factor.am-ի հետ զրույցում հայտնեց Թեհրանի հայկական «Արաքս» թերթի գլխավոր խմբագիր Մովսես Քեշիշյանը։
«Այս պահին թուլացում չի նկատվում, և եթե կառավարությունը լուրջ քայլեր չձեռնարկի, հավանաբար, դեռ այսպես շարունակվի և նույնիսկ ընդարձակվի»,- ասաց Քեշիշյանը։
Ըստ նրա՝ կառավարությունը որոշակի քայլեր է արել, խոստումներ տվել, սակայն տեսանելի արդյունքներ չկան։
ԱՄՆ-ում գործող «Մարդու իրավունքների ակտիվիստներ» լրատվական գործակալությունը (HRANA) հայտնել է, որ բողոքի ցույցերը մինչ այժմ տարածվել են բոլոր 31 նահանգների 111 քաղաքներում և գյուղերում, գրում է BBC-ին։ Հաղորդվում է, որ անկարգությունների ընթացքում զոհվել է առնվազն 34 ցուցարար և 4 իրավապահ, ձերբակալվել է 2200 ցուցարար։
Հիշեցնենք, որ Իրանում բողոքի ցույցերը շարունակվում են դեկտեմբերի 28-ից, երբ տնտեսվարողները դուրս եկան մայրաքաղաք Թեհրանի փողոցներ՝ արտահայտելու իրենց դժգոհությունը սև շուկայում իրանական արժույթի՝ ռիալի, արժեքի կտրուկ անկման դեմ։
Անի Թամրազյան
