07.09.2026 | 17:13
Պեսկովը հայտնել է, որ Պուտինի և Փաշինյանի հանդիպման արդյունքներով ՌԴ-ն ու Հայաստանը կուսումնասիրեն առևտրային հարցերը
Բրիջիտ Մակրոնին զրպարտած 10 անձ դատապարտվել է Փարիզում
Քաղաքականություն
05.01.2026 | 19:19
Փարիզի դատարանը մեղավոր է ճանաչել 10 անձի՝ Ֆրանսիայի նախագահ Էմանուել Մակրոնի կնոջ՝ Բրիջիտ Մակրոնին զրպարտելու համար։ Ութ տղամարդ և երկու կին դատապարտվել են պայմանական ազատազրկման՝ մինչև ութ ամիս ժամկետով։ Մեկ անձ ձերբակալվել է դատարան չներկայանալու պատճառով։ Այս մասին փոխանցում է BBC-ի ռուսական ծառայությունը։
Դատարանի որոշմամբ՝ մեղադրյալները տարածել են կեղծ պնդումներ առաջին տիկնոջ սեռի և անձնական կյանքի վերաբերյալ, ինչպես նաև վիրավորական մեկնաբանություններ են արել Մակրոնների տարիքային տարբերության մասին։ Դատավորը նշել է, որ բոլորն ակնհայտ դիտավորությամբ փորձել են վնաս հասցնել Բրիջիտ Մակրոնին։
Մեղադրյալների թվում կան պետական պաշտոնյա, ուսուցիչ, արվեստի սրահի սեփականատեր և ինտերնետում գործող գուշակ։ Նրանցից երկուսը նախկինում արդեն դատապարտվել էին Բրիջիտ Մակրոնի հասցեին զրպարտության համար։
Միաժամանակ հայտնի է դարձել, որ Մակրոնների ընտանիքը ԱՄՆ-ում զրպարտության հայց է ներկայացրել ամերիկացի Քենդիս Օուենսի դեմ, որը նաև դավադրության տեսություններ է տարածել առաջին տիկնոջ գենդերային պատկանելության մասին:
