06.10.2026 | 14:32
Ստամբուլի դպրոցներից մեկում դանակով հարձակման դեպք է տեղի ունեցել․ 8 աշակերտ վիրավորվել է․ ՏԵՍԱՆՅՈՒԹ
Բաքուն, այսպես կոչված, «Արևմտյան Ադրբեջանի» մասին վիրտուալ հանրագիտարան է ստեղծել
Քաղաքականություն
29.12.2025 | 16:26
Բաքվում տեղի է ունեցել «Արևմտյան Ադրբեջանի մասին վիրտուալ հանրագիտարանային հավաքածու» առցանց ռեսուրսի շնորհանդեսը, որը պատրաստվել է, իբր, սկզբնաղբյուրների և գիտական նյութերի օգտագործմամբ։ Ադրբեջանական լրատվամիջոցների հաղորդմամբ՝ նախագիծը մշակվել է Ռազմավարական հաղորդակցությունների կենտրոնի կողմից։
Առցանց ռեսուրսը ներառում է ութ հիմնական բաժին, 34 գլուխ և 55 ենթագլուխ, որոնք ընդգրկում են այնպիսի թեմաներ, ինչպիսիք են բնական և աշխարհագրական պայմանները, պատմական աշխարհագրությունը, հնագիտությունը, ազգագրությունը, քաղաքական, սոցիալ-տնտեսական, ռազմական և մշակութային պատմությունը։
««Արևմտյան Ադրբեջանի վիրտուալ հանրագիտարանը» նպատակ ունի գործնականում և գիտականորեն իրականացնել նախագահի կողմից առաջ քաշված ռազմավարական կոչը»,- հայտարարել է Ռազմավարական հաղորդակցությունների կենտրոնի նախագահ, նախագծի գլխավոր խորհրդատու Անար Գադիրլին:
Նրա խոսքով՝ նախագծի հիմնական նպատակն է, այսպես կոչված, «Արևմտյան Ադրբեջանի» մասին «պատմական փաստերը» ներկայացնել ոչ միայն հուզական կոչերի միջոցով, այլև ակադեմիական օբյեկտիվության և գիտական ճշգրտության հիման վրա»։
Վերջերս OC Media-ն հայտնել էր, որ իր ուսումնասիրած արտահոսած փաստաթղթերը բացահայտում են, թե ինչպես է Ադրբեջանի նախագահի աշխատակազմը համակարգում և ֆինանսավորում «Արևմտյան Ադրբեջան» նարատիվի միջազգային տարածումը։
Թարգմանությունը՝ Էմմա Չոբանյանի
