23.12.2025 | 23:30
ԱՄՆ-ում Հայաստանի հետ կապված օրինագիծ է ներկայացվել, որը կոչ է անում խստացնել Ադրբեջանին տրամադրվող օգնության սահմանափակումները
ՌԴ-ն 100 միլիոն մարդու զրկում է անձնական նամակագրության իրավունքից. WhatsApp-ը հայտարարություն է տարածել
Հաղորդաշարեր
23.12.2025 | 21:13
WhatsApp մեսենջերի ղեկավարությունը հայտարարել է, որ Ռուսաստանի իշխանությունները, սահմանափակելով ծառայությանը մուտքը, ձգտում են ավելի քան 100 միլիոն ռուսաստանցիների զրկել անձնական, կոդավորված և պաշտպանված հաղորդագրությունների իրավունքից, գրում է Meduza-ն։
«WhatsApp-ը խորապես ինտեգրված է երկրի յուրաքանչյուր համայնքի կառուցվածքում՝ ծնողներից և աշխատանքային խմբերից մինչև ընկերների, հարևանների և ընտանեկան զրույցներ Ռուսաստանի տարածաշրջաններում։ Մենք վճռականորեն տրամադրված ենք պայքարել մեր օգտատերերի համար, քանի որ մարդկանց ստիպել՝ օգտագործել ավելի պակաս անվտանգ և կառավարության կողմից պարտադրված հավելվածներ, կարող է միայն հանգեցնել Ռուսաստանի քաղաքացիների անվտանգության նվազմանը»,- Reuters-ին ասել է WhatsApp-ի ներկայացուցիչը։
«Ռոսկոմնադզորը» WhatsApp-ի զանգերն արգելափակել է 2025 թվականի օգոստոսից։ Այդ ժամանակ WhatsApp-ի ներկայացուցիչները հայտարարել էին, որ կանեն հնարավոր ամեն ինչ՝ «ապահովելու համար, որ ծայրից ծայր կոդավորված հաղորդակցությունները հասանելի մնան ամբողջ աշխարհի մարդկանց, այդ թվում՝ Ռուսաստանում բնակվողներին»։
Դեկտեմբերի 22-ին ռուսաստանցի օգտատերերը կրկին բողոքել էին WhatsApp-ի աշխատանքի խափանումներից։ Մասնագետների կարծիքով՝ այդ օրվանից Ռուսաստանում մեսենջերի արագությունը նվազել է 70-80%-ով։
«Ռոսկոմնադզորը» հայտարարել է, որ ամբողջությամբ կարգելափակի մեսենջերը, եթե ընկերությունը չպահպանի Ռուսաստանի օրենսդրությունը։
Թարգմանությունը՝ Էմմա Չոբանյանի
