05.10.2026 | 18:14
Ջոկովիչը մոտ է հերթական տիտղոսը նվաճելուն
Դավիթ Բաբայանը ևս Բաքվի դատարանում եզրափակիչ ելույթով է հանդես եկել
Քաղաքականություն
20.12.2025 | 11:19
Բաքվի զինվորական դատարանում Արցախի ղեկավարների շինծու գործերով հերթական դատական նիստն է տեղի ունեցել։ Ադրբեջանական լրատվամիջոցների հաղորդմամբ՝ նախագահող դատավոր Զեյնալ Աղաևը հայտարարել է, որ դատական նիստը կշարունակվի հայ գերիների եզրափակիչ ելույթներով։
Դատավորը հիշեցրել է, որ Արցախի պաշտպանության բանակի հրամանատարի նախկին տեղակալ Դավիթ Մանուկյանը, որի ցուցմունքը հետաձգվել էր նախորդ դատական նիստում, կշարունակի իր ցուցմունքը։
Թվարկելով մեղադրանքները` նա շարադրել է այդ հարցերի վերաբերյալ իր փաստարկները և հայտարարել, որ չի ընդունում մեղադրանքները։
Արցախի նախկին ԱԳ նախարար Դավիթ Բաբայանը հայտարարել է, որ ցանկանում է իր եզրափակիչ խոսքը ներկայացնել ռուսերենով։ Բաբայանի համար ստեղծվել են պայմաններ ռուսերեն խոսելու համար։
Նա ներկայացրել է իր հակափաստարկները պետական մեղադրանքը և տուժողներին պաշտպանող դատախազների հայտարարությունների վերաբերյալ։
Դատավարությունը կշարունակվի դեկտեմբերի 22-ին։
Ինչպես ավելի վաղ տեղեկացրել էինք, Դավիթ Մանուկյանը և Արցախի նախկին նախագահ Արայիկ Հարությունյանը եզրափակիչ ելույթներով էին հանդես եկել։
Թարգմանությունը՝ Էմմա Չոբանյանի
