16.12.2025 | 23:30
Հաագայում 35 երկիր ստորագրել է Ուկրաինային փոխհատուցման համար միջազգային հանձնաժողովի ստեղծման կոնվենցիան
Տեղի է ունեցել պրոբացիայի և քրեակատարողական ոլորտին առնչվող հարցերի քննարկման միջգերատեսչական հանձնաժողովի անդրանիկ նիստը
Հասարակություն
16.12.2025 | 10:06
Տեղի է ունեցել պրոբացիայի և քրեակատարողական ոլորտին առնչվող հարցերի քննարկման միջգերատեսչական հանձնաժողովի անդրանիկ նիստը։ Այս մասին տեղեկացնում է ՀՀ արդարադատության նախարարությունը։
«Հանձնաժողովը կոչված է ապահովել պետական լիազորված մարմինների արդյունավետ համագործակցությունը և նշված մարմինների միջև մշտական հաղորդակցությունը` քրեակատարողական և պրոբացիայի ոլորտների օրենսդրական և գործնական խնդիրների վերհանման, հասցեագրման և գույքագրման, դրանց լուծման արդյունավետ ուղիների որոնման և հստակեցման, ինչպես նաև նշված ոլորտներում տեսլականների քննարկման նպատակով»,- ասված է հաղորդագրության մեջ։
Հաղորդվում է, որ հանձնաժողովի անդրանիկ նիստում ներկայացվել են պատժից պայմանական վաղաժամկետ ազատման համակարգի լավարկմանն ուղղված օրենսդրական և ենթաօրենսդրական ակտերի նախագծերը, ՀՀ ԱՆ քրեակատարողական հիմնարկներ մուտքի և իրենց վստահորդների հետ հանդիպումների ընթացքում առաջ եկող խնդիրները, ինչպես նաև համակարգային մի շարք այլ հարցեր կապված խափանման միջոցների և պատժատեսակների կատարման հետ։
«Քննարկման արդյունքում տարբեր պետական մարմինների ներկայացուցիչների կողմից բարձրաձայնվել են լուծման հնարավոր ուղղությունները։ Նշենք, որ քննարկումը անցկացվել է Երևանում Եվրոպայի Խորհրդի գրասենյակի աջակցությամբ»,- հայտնում է նախարարությունը։
