02.10.2026 | 11:15
Ադրբեջանը սպասում է ՀՀ Սահմանադրության փոփոխություններին, որից հետո խաղաղության համաձայնագիրն իրականություն կդառնա․ Հաջիև
Միհրան Հակոբյանի վրա հարձակման գործով 4 անձ է ձերբակալվել․ ՆԳՆ
Քաղաքականություն
12.12.2025 | 19:15
ՆԳՆ քրեական ոստիկանության ծառայողները, իրականացնելով օպերատիվ-հետախուզական ծավալուն միջոցառումներ և համագործակցելով Քննչական կոմիտեի գործընկերների հետ, այսօր ձերբակալել են 4 անձանց, որոնք կասկածվում են դեկտեմբերի 8-ին մոլերից մեկի հարակից ավտոկայանատեղիում կատարված հանցագործության մեջ։ Այս մասին հայտնում են ՆԳՆ ոստիկանությունից։
Նշվում է, որ նրանք կներկայացվեն Քննչական կոմիտե:
Հիշեցնենք՝ դեկտեմբերի 8-ին փաստաբան, իրավապաշտպան Ռուբեն Մելիքյանը հայտնել է, որ «Դալմա մոլ»-ի ավտոկայանատեղիում հարձակում է տեղի ունեցել Միհրան Հակոբյանի վրա։ Հարձակվողները եղել են դիմակներով և անսպասելի հարձակվել են թիկունքից։
Հակոբյանը ստացել է մարմնական վնասվածքներ և տեղափոխվել «Իզմիրլյան» բժշկական կենտրոն։
Հակոբյանի նկատմամբ բռնություն գործադրելու դեպքի առթիվ քրեական վարույթ է նախաձեռնվել Քրեական օրենսգրքի 167-րդ հոդվածի 2-րդ մասի 7-րդ և 12-րդ կետերով, այսինքն՝ առողջությանը միջին ծանրության վնաս պատճառելը՝ մի խումբ անձանց կողմից, խուլիգանական դրդումներով։
