06.04.2026 | 23:30
Հրդեհ Թաիրով բնակավայրում. այրվել է ավտոմեքենա
«Լեգիայի» մարզիչ․ Վահան Բիչախչյանը լավ մտավ խաղի մեջ
12.12.2025 | 16:07
Լեհական «Լեգիայի» գլխավոր մարզիչ Ինյակի Աստիսը Կոնֆերենցիաների լիգայի 5-րդ տուրում Հայաստանի չեմպիոն ու գավաթակիր «Նոայից» կրած պարտությունից հետո անդրադարձել է Վահան Բիչախչյանի խաղին։ Երևանում կայացած խաղում Հայաստանի ազգային հավաքականի կիսապաշտպանը լեհական ակումբի կազմում փոխարինման էր մտել 82-րդ րոպեին։
«Վահանը լավ մտավ խաղի մեջ, դա ճիշտ է։ Հենց դա եմ ակնկալում այն ֆուտբոլիստներից, ովքեր հանդիպումը սկսում են պահեստայինների նստարանից։ Նա լի էր էներգիյով, լավ դրիբլինգի էր դիմում և հրաշալի փոխանցումներ կատարում եզրից։ Նրա փոխանցումներից մեկը շատ վտանգավոր էր, և մենք կարող էինք գոլ խփել այդ դրվագում»,- իսպանացի մասնագետի խոսքը մեջբերում է «Լեգիայի» մամուլի ծառայությունը։
Հիշեցնենք, որ «Նոան» 2։1 հաշվով կամային հաղթանակ էր տարել «Լեգիայի» նկատմամբ։ 5 խաղից հետո երևանյան ակումբն 8 միավորով 17-րդ տեղում է և նախավերջին տուրից առաջ գործնականում ապահովել է Կոնֆերենցիաների լիգայի փլեյ-օֆֆի ուղեգիրը։ «Լեգիան» 3 միավորով 30-րդն է և կորցրել է հաջորդ փուլ դուրս գալու շանսերը։ Լիգայի փուլի վերջին տուրում Սանդրո Պերկովիչի գլխավորած թիմը դեկտեմբերի 19-ին արտագնա հանդիպում է անցկացնելու Կիևի «Դինամոյի» հետ։
