02.02.2026 | 12:51
ՊՆ վարչական համալիրում դիմավորել են պաշտոնական այցով ՀՀ ժամանած Հնդկաստանի ԶՈՒ պաշտպանության շտաբի պետին
Բողոքներ ենք ստանում, որ շինարարների աշխատավարձը տնտեսվարողները չեն վճարում. Արայիկ Հարությունյան․ ՏԵՍԱՆՅՈՒԹ
Հասարակություն
11.12.2025 | 12:12
Կառավարությունը համաֆինանսավորում է 14 համայնքներում իրականացվող 27 սուբվենցիոն ծրագիր՝ 2 միլիարդ 828 միլիոն դրամ ընդհանուր արժեքով։ Այս մասին կառավարության նիստի ընթացքում հայտնել է ՏԿԵ նախարար Դավիթ Խուդաթյանը։
Նախարարի խոսքով՝ սուբվենցիաների կատարողականը նախորդ տարվա համեմատ բարելավվել է՝ գերազանցելով 200%-ը, իսկ ճանապարհաշինության մասով՝ 150%-ը։ Նախատեսվում է ևս մոտ 10 միլիարդ դրամի հատկացում։
Վարչապետի աշխատակազմի ղեկավար Արայիկ Հարությունյանը մարզպետների և Խուդաթյանի ուշադրությունը հրավիրեց ևս մեկ կարևոր հարցի․ «Մենք երբեմն բողոքներ ենք ստանում, որ աշխատողներին գումարներ չի վճարվում որոշ տնտեսվարողների կողմից։ Թելը բռնում ենք, գնում ենք բուն պատճառներին, և պարզվում է, որ տնտեսվարողը կամ պատշաճ չի հանձնել աշխատանքը, որպեսզի պետությունից ստանա գումարը, կամ գումար է ստացել և իր տասնյակ այլ նախագծերի վրա է ծախսել, և այդ տնտեսվարողները այսպես տարածում են, որ պետությունը գումարը չի տալիս։
Մենք որևէ դեպքում պարտքեր չենք գոյացնում, որովհետև հազար անգամ ասել ենք, որ մենք գումարի խնդիր չունենք վճարելու, պարզապես տնտեսվարողները պատշաճ չեն հանձնում աշխատանքը կամ ընթացիկ աշխատանքները, որպեսզի գումարները ստանան, և կամ այդ գումարը ստանում են և այլ նախագծերի վրա են ծախսում և աշխատավարձերը չեն վճարում։ Այսպիսի դեպքերը քիչ չեն, և խնդրում եմ սրա վրա ուշադրություն դարձնել, որովհետև այդպիսի տպավորություն են փորձում ստեղծել որոշ անբարեխիղճ տնտեսվարողներ, որ պետությունը չի վճարում այդ գումարը»։
Մանրամասները՝ տեսանյութում։
