29.07.2026 | 00:56
«Արարատ-Արմենիան» դուրս եկավ Չեմպիոնների լիգայի որակավորման երրորդ փուլ. ՏԵՍԱՆՅՈՒԹ
Վենեսուելայի ընդդիմության առաջնորդ Մաչադոն Օսլոյում գրեթե մեկ տարվա ընթացքում առաջին անգամ հայտնվել է հանրության առջև. ՏԵՍԱՆՅՈՒԹ
Քաղաքականություն
11.12.2025 | 13:43
Խաղաղության Նոբելյան մրցանակի դափնեկիր, Վենեսուելայի ընդդիմության առաջնորդ Մարիա Կորինա Մաչադոն դուրս է եկել թաքստոցից՝ գրեթե մեկ տարվա ընթացքում իր առաջին հրապարակային ելույթն ունենալու համար։ Նա Օսլոյի հյուրանոցի պատշգամբից ձեռքով է արել իր կողմնակիցներին, գրում է France 24-ը։
Մաչադոն, որը Նոբելյան մրցանակը ստացել էր Վենեսուելայի նախագահ Նիկոլաս Մադուրոյի իշխանությանը մարտահրավեր նետելու համար, չորեքշաբթի մրցանակաբաշխությանը չէր ժամանել Նորվեգիա։ Դուստրը նրա անունից ստացել էր հեղինակավոր մրցանակը և նրա փոխարեն ելույթ ունեցել մրցանակաբաշխության ժամանակ։
Նոբելյան մրցանակի հանձնաժողովի նախագահ Յորգեն Վատնե Ֆրիդնեսը հայտնել է, որ Վենեսուելայի ժողովրդավարության ակտիվիստը մի քանի ժամ անց հասել է Նորվեգիայի մայրաքաղաք և անմիջապես գնացել իր ընտանիքի մոտ։
«Գրանդ Հոթել»-ի պատշգամբից Մաչադոն ավելի ուշ ողջունել է իր կողմնակիցների բազմությանը, որոնք երգում և վարկարկում էին «լիբերտադ» (ազատություն)։
Նորվեգիայի կառավարությունը հայտարարել է, որ Մաչադոն մամուլի ասուլիս է անցկացնելու։
Վենեսուելայում թաքնված Մաչադոն վերջին անգամ հանրության առջև հայտնվել է հունվարի 9-ին, երբ բողոքել էր Մադուրոյի երրորդ ժամկետի երդմնակալության դեմ։ Հայտնի չէ, թե ինչպես է Մաչադոն կարողացել լքել Վենեսուելան կամ ինչպես է պատրաստվում վերադառնալ։ Կարակասը նրան զգուշացրել էր, որ եթե լքի երկիրը, նրան կկոչեն «փախստական»։
Թարգմանությունը՝ Էմմա Չոբանյանի
