11.08.2026 | 16:06
Հայաստանը շահագրգռված է Եգիպտոսի հետ հարաբերությունները խորացնելու և զարգացնելու հարցում. ՀՀ նախագահ
Ինչպե՞ս է կայացվել Քննչական կոմիտեի նախագահի նախկին տեղակալ Վահագն Հարությունյանի կալանքի որոշումը. «Ժողովուրդ»
Հասարակություն
03.11.2018 | 09:09
«Ժողովուրդ» թերթը գրում է.
Մարտի 1-ի գործով քննչական խմբի նախկին ղեկավար Վահագն Հարությունյանին կալանավորելու որոշում կայացվեց: Թեեւ նա հասցրել է փախչել երկրից, այնուամենայնիվ, ուշացումով ՀՔԾ-ն նրան մեղադրանք է առաջադրել գործով ապացույցներ կեղծելու համար:
Իսկ ինչպե՞ս է կայացվել Քննչական կոմիտեի նախագահի նախկին տեղակալ Հարությունյանի կալանքի որոշումը:
«Ժողովուրդ» օրաթերթին հասած տեղեկությունների համաձայն` երբ ՀՔԾ-ն միջնորդություն է ներկայացրել Երեւան քաղաքի ընդհանուր իրավասության դատարան, որպեսզի հետախուզման մեջ գտնվող Վահագն Հարությունյանին կալանավորեն, միջնորդությունն ի սկզբանե պետք է քններ դատավոր Ռոբերտ Պապոյանը: Վերջինս ինքնաբացարկ է հայտնել՝ ասելով, որ չի կարող քննել այդ միջնորդությունը, քանի որ Վ. Հարությունյանն իր մտերիմ ընկերն է, համակուրսեցին: Եւ այդպես, դատավորների մի հսկայական խումբ խուսափել է Վահագն Հարությունյանի գործի քննությունից: Արդյունքում գտնվել է միայն մեկ դատավոր՝ Աննա Դանիբեկյանը, ով քննեց եւ Հարությունյանի նկատմամբ խափանման միջոց ընտրեց կալանավորումը:
Առավել մանրամասն՝ թերթի այսօրվա համարում:
