29.07.2026 | 09:45
NYMEX. Թանկարժեք մետաղների գները նվազել են
ՊՆ արտաբյուջետային հաշիվը փակվում է․ գումարի մնացորդը կփոխանցվի ՀՀ պետական բյուջե
Տնտեսություն
10.12.2025 | 16:34
Փակվում է Պաշտպանության նախարարության անվամբ գործող արտաբյուջետային հաշիվը։ Նման որոշման նախագիծ հեղինակել է ՊՆ-ն։ Այս մասին Factor.am-ը տեղեկանում է ՀՀ կառավարության նիստի օրակարգից։
«Առաջարկվում է ՀՀ ՊՆ արտաբյուջետային միջոցները ՀՀ պետական բյուջե փոխանցել, իսկ այդ միջոցները ՀՀ կառավարության որոշմամբ՝ ՀՀ պետական բյուջեում արտացոլել որպես եկամտի ավելացում և դեֆիցիտի նվազեցում»,-նշված է նախագծում։
Ըստ նախագծի՝ արտաբյուջետային միջոցները կազմում են 2 մլրդ 689 մլն 375 հազար դրամ։
Նշենք, որ 2026 թվականի պետական բյուջեով էլ Հայաստանի պաշտպանության նախարարությանը հատկացվելու է 563․1 մլրդ դրամ։ 2025 թվականին պաշտպանական բյուջեն 664.6 մլրդ դրամ է։ Ստացվում է՝ կառավարությունը հաջորդ տարի պաշտպանական ոլորտի համար այս տարվա համեմատ նախատեսել է 101.5 մլրդ դրամով պակաս ֆինանսավորում։
Նարեկ Կիրակոսյան
